رێڤه‌به‌را په‌روه‌رده‌یا قه‌زا دهۆک رۆژهه‌لات ساڵڤه‌گه‌را دامه‌زراندنا ئێکه‌تیا ئافره‌تێن کوردستانێ پیرۆز دکه‌ت

    به‌لاڤكرن: په‌روه‌ردا دهۆك روژهه‌لات
    11 كانوونا ئێكێ 2019

رێڤه‌به‌را په‌روه‌رده‌یا قه‌زا دهۆک رۆژهه‌لات ساڵڤه‌گه‌را دامه‌زراندنا ئێکه‌تیا ئافره‌تێن کوردستانێ پیرۆز دکه‌ت


بروسکا پیرۆزباهیێ

  ب هه‌لكه‌فتا (67) سالیا دامه‌زراندنا ئێكه‌تیا ئافره‌تێن كوردستانێ پر ژدل پیروزباهیان  ئاراسته‌یى گشت ئه‌ندام و كادرێن هه‌وه‌ و ته‌ڤایا ئافره‌تێن كوردستانێ دكه‌ین.

ئافره‌تێن كوردستانێ ل هه‌مى قوناغێن شوره‌ش و به‌رخودانا رزگاریخوازا گه‌لێ كوردستانێ دا خه‌بات و قوربانى داینه‌ و تا ئه‌ڤرو ژى قوربانیێن سه‌ره‌كى نه‌ د سیاسه‌تێن دوژمنێن كه‌ڤنه‌په‌رست و هێرشێن تیروریستێن هوڤانه‌ دا. ئێكه‌تیا ئافره‌تێن كوردستانێ هه‌رده‌م خو ل كێشه‌ و داخوازیێن ئافره‌تێ كریه‌ خودان و شیایه‌ گوهرینێن به‌رده‌وام د ره‌وشا ئافره‌تا كوردستانێ دا په‌یدابكه‌ت و ئه‌ڤرو به‌شداریه‌كا كارا هه‌یه‌ دهه‌مى بوارێن پێشدابرنا ژیانا جڤاكى دا‌.

ئه‌ڤرو ژنێن کوردستانێ مافێ وانا یه‌ رۆلەکێ بەرچاڤتر د دەستھلاتێن جودا جودا دا ببینن، ژ بۆ وێ یەکێ ئەرکێ ئێکه‌تیا ئافرەتێن کوردستانێ و رێکخستنێن دی یێن ژنان ئەوە کو داکۆکیێ ل مافێ ژنان بکه‌ن و هیڤیدارین هه‌می مافێن ئافره‌تا کورد بهێنه‌ چه‌سپاندن ب مافێن خو یێن ره‌وا شاد بن و حكومه‌تا هه‌رێما كوردستانێ داكوكیێ د كه‌ن ئاستێ به‌شدارى و  هوشیارى و زانستى ل ده‌ف ئافره‌تا كوردستانێ به‌رفره‌ه تر بیت و خه‌باتێ د كه‌ن ژ بو به‌رسنگ گرتنا توندوتیژیێ دژى ئافره‌تێ..

 ل سالیا دا دامه‌زراندنا ئێكه‌تیا ئافره‌تێن كوردستانێ بناڤێ رێڤه‌به‌ریا په‌روه‌ردا قه‌زا دهۆک رۆژهه‌لات پیرۆزباهیان ئاراسته‌یى ته‌ڤایا ئافره‌تێن كوردستانێ دكه‌ین و هیڤیا سه‌ركه‌فتنێ بو دخوازین.


فادیه عبدالقهار محمد 

رێڤه‌به‌را په‌روه‌ردا دهۆک رۆژهه‌لات

رۆژا چارشه‌مبی ١١/١٢/٢٠١٩