رێڤەبەرێ گشتى يێ پەروەردێ دگەل رێڤەبەرێن قوتابخانێن ئامادەيى لسنورێ هەردوو پەروەردێن قەزا دهوك روژهەلات وروژئاڤا كوم دبيت

    به‌لاڤكرن: په‌روه‌ردا دهۆك روژهه‌لات
    08 كانوونا ئێكێ 2019

رێڤەبەرێ گشتى يێ پەروەردێ دگەل رێڤەبەرێن قوتابخانێن ئامادەيى لسنورێ هەردوو پەروەردێن قەزا دهوك روژهەلات وروژئاڤا كوم دبيت

ئەڤرو سپێدێ رێكەفتى 8/12/2019 رێزدار عمر على تاها رێڤەبەرێ گشتى يێ پەروەردێ و ب ئامادەبونا بەرێزان عمر احمد قاسم و خانم فاديە عبدالقهار رێڤەبەرێن پەروەردێن قەزا دهوك روژهەلات وروژئاڤا وفخري كلش رێڤەبەرێ سەرپەرشتيا پەروەردەيى ورێڤەبەرێ يەكا سەرپەرشتيا ئامادەيى وپيشەيى ل سەنتەرێ باژێرێ دهوكێ كومبونەكا تايبەت دگەل رێڤەبەرێن قوتابخانێن ئامادەيى لسنورێ هەردوو پەروەردێن قەزا دهوك روژهەلات وروژئاڤا هاتە كرن .
دكومبونێ دا بەرێز رێڤەبەرێ گشتى يێ پەروەردێ بەحسێ پروسا پەروەردە وفێركرنێ ل پارێزگەها دهوكێ كر و ب تێر وتەسەلى بەحسى گرنگيا پێگەهێ رێڤەبەرێ قوتابخانێ د كەرتێ پەروەردێ دا وكارتێكرنا وى يا ئێكسەر لسەر پروسێ وداخازا هاتە كرن كو رێڤەبەرێن قوتابخانا سەركردە بيت بەرى رێڤەبەر بيت و ب رولەكێ كاريگەر سەركردايەتيا پروسا فێركرنێ وپەروەردێ بكەت دچارچوڤێ قوتابخانێ دا .
هەر دكومبونێ دا بەرێز عمر على تاها رێڤەبەرێ گشتى چەندين ئاموژگارى و راسپاردە ورێنمايێن تايبەت سەبارەت پروسا پەروەردێ پێشكێشى ئامادەبويان كر .
لدوماهيا كومبونێ دان وستاندن لسەر چەندين پرس وبابەتێن پەروەردەيى ژلايێ ئامادەبويان ڤە هاتنە كرن .