رێڤه‌به‌را په‌روه‌ردا رۆژهه‌لات سه‌ره‌دانا هژماره‌کا قوتابخانا ل سنورێ په‌روه‌ردێ کر

    به‌لاڤكرن: په‌روه‌ردا دهۆك روژهه‌لات
    02 كانوونا ئێكێ 2019

رێڤه‌به‌را په‌روه‌ردا رۆژهه‌لات سه‌ره‌دانا هژماره‌کا قوتابخانا ل سنورێ په‌روه‌ردێ کر

ئه‌ڤرۆ رۆژا دووشه‌‌مبى رێکه‌فتی 2/12/2019 ب مه‌ره‌ما دیفچوونا ره‌وشا په‌روه‌رده‌ و فێرکرنێ ل سنورێ په‌روه‌ردا رۆژهه‌لات خانم فادیه عبدالقهار محمد رێڤه‌به‌را په‌روه‌ردا قه‌زا دهۆك رۆژهه‌لات ل گه‌لدا محمد حمدی عبدالمجید سه‌رپه‌رشتێ ئێکێ ب وه‌کاله‌ت سه‌ره‌دانا دواناوه‌ندیا لیناڤا و قوتابخانێن سندۆر و بادێ كر و ژ نێزیك هایداری ره‌وشا په‌روه‌رده‌ و فێرکرنێ بوو.

رێڤه‌به‌را په‌روه‌ردێ پشتى گه‌ریانه‌ك دناڤا هۆلێن خواندنێ دا كرین ل قوتابخانێن ناڤهاتی چه‌ندین شیره‌ت و ئامۆژگارى پێشكیشى قوتابیان كرن پێخه‌مه‌ت بلندكرنا ئاستێ زانستى .

پاشان ریڤه‌به‌را په‌روه‌ردێ دیفچوونا ئاستێ زانستی یێ قوتابیان و تۆمارێن گرێدایی کارگێریێن قوتابخانا کر و گرنگی و جێبه‌جێکرنا پرۆژێ برێتش کاونسل بۆ کارگێریێن قوتابخانا به‌حس کر ژ بو سه‌رخستنا پرۆسا په‌روه‌رده‌ و فێركرنێ .

د لایه‌کێ دی یێ سه‌ره‌دانا خو دا رێڤه‌به‌را په‌روه‌ردێ دوپاتی ل كارگێریێن قوتابخانا و مامۆستایان كر كۆ گرنگیه‌كا مه‌زن ب پاقژیێ و رۆژا بلند کرنا ئالایێ کوردستانێ و ئاستێ زانستى يێ قوتابيان و هه‌ستێ نه‌ته‌وايه‌تى و چڤاتێن دایك و بابان كر و به‌رهه‌ڤیا خو دیار کر بۆ هه‌ر هه‌ڤکاریه‌کێ و ده‌ستخۆشى ل كارێ وان كر .