وه‌زيرێ په‌روه‌ردێ ل حكومه‌تا هه‌رێما كوردستانێ سه‌را ا قه‌زا سێمێلێ دا

    به‌لاڤكرن: رێڤه‌به‌ریا گشتى یا په‌روه‌ردا پارێزگه‌ها دهوك
    01 كانوونا ئێكێ 2019

ئه‌ڤرۆ رێكه‌ڤتى 1/12/2019 رێزدار ئالان حه‌مه‌ سه‌عيد وه‌زيرێ په‌روه‌ردێ ل حكومه‌تا هه‌رێما كوردستانێ و دگەل دا رێزدار عمر على تاها رێڤه‌به‌رێ گشتى يێ په‌روه‌ردا پارێزگه‌ها دهۆكێ سه‌را قه‌زا سێمێلێ دا و ل ده‌ستپێكا سه‌ره‌دانا خو دا وه‌زيرێ په‌روه‌ردێ و شاندێ د گه‌ل دا سه‌را قائيمقاميا قه‌زا سێمێلێ دا و ژلايێ رێزدار حسێن خالد سه‌عيد قائيمقامێ قه‌زا سێمێلێ ڤه‌ هاته‌ پێشوازى كرن و دڤێ سه‌ره‌دانێ دا به‌حس ل سه‌ر ره‌وشا كه‌رتێ په‌روه‌ردێ ل قه‌زا سێمێلێ ب گشتى هاته‌ كرن و ب تايبه‌ت ژى كێميا ئاڤاهيێن قوتابخانا و ئاريشێن ميلاكى .

ديڤدا وه‌زيرێ په‌روه‌ردێ و شاندێ لگه‌ل دا سه‌را رێڤه‌به‌ريا په‌روه‌ردا سێمێلێ دا و ژ لايێ رێزدار درباس مسته‌فا رێڤه‌به‌رێ په‌روه‌ردا قەزا سێمێلێ پێشوازى لێ هاتەكرن و ب هويرى به‌حس ل چاوانيا برێڤه‌ چوونا پرۆسێسا په‌روه‌رده‌ و فێركرنێ هاته‌ كرن و ديڤدا وه‌زيرێ په‌روه‌ردێ سه‌را هه‌ر ئێك ژ قوتابخانێن هايدار يابنه‌ره‌ت و ئاماده‌يا ئادار كر .