وەزيرێ پەروەردێ ئامادەى ئاهەنگا دەرچوونا گەرا سيێ يا قوتابيێن پەيمانگەها دافينشى دبيت

    به‌لاڤكرن: رێڤه‌به‌ریا گشتى یا په‌روه‌ردا پارێزگه‌ها دهوك
    30 چرێا دووێ 2019

ئەڤرو ئێڤارى رێكەفتى 30/11/2019 رێزدار ئالان حەمە سعيد وەزيرێ پەروەردێ دگەل دا بەرێزان عمر على تاها رێڤەبەرێ گشتى يێ پەروەردێ و ژمارەكا رێڤەبەرێن دام ودەزگەهێن حكومى وحزبى ئامادەى رێ ورەسمێن ئاهەنگا دەرچوونا گەرا سيێ يا قوتابيێن دەرچوويێن پشكێن زانستێن كومپيوتەرى و زانستێن گازوپەترولێ سالا خواندنێ 2018/2019 يا پەيمانگەها دافينشى يا نەحكومى ل هولا كونفرانسان بريڤەچوو.

درێ ورەسمێن ئاهەنگێ دا وەزيرێ پەروەردێ پەيڤەك پێشكێشكر وتێدا دا دياركرن كو حكومەتا هەرێما كوردستانێ گرنگييەكا تايبەت دايە كەرتێ پەروەردێ وئێكە ژ ئەولەوياتێن بەرنامێ كارێ وێ و پيروزباهى ل قوتابيێن دەرچوو كر .

لدوماهيا رێ ورەسمان وەزيرێ پەروەردێ خەلات وديارى لسەر قوتابيێن سەركەفتى يێن ئێكێ پێشكێشكرن .