رێڤه‌به‌را په‌روه‌ردا رۆژهه‌لات سه‌ره‌دانا ئاماده‌یا شالین یا کچان و لۆڤار یا کوران کر

    به‌لاڤكرن: په‌روه‌ردا دهۆك روژهه‌لات
    19 چرێا دووێ 2019

رێڤه‌به‌را په‌روه‌ردا رۆژهه‌لات سه‌ره‌دانا ئاماده‌یا شالین یا کچان و لۆڤار یا کوران کر

ئه‌ڤرۆ رۆژا سێشه‌‌مبى رێکه‌فتی 19/11/2019 ب مه‌ره‌ما دیفچوونا ره‌وشا په‌روه‌رده‌ و فێرکرنێ ل سنورێ په‌روه‌ردا رۆژهه‌لات خانم فادیه عبدالقهار محمد رێڤه‌به‌را په‌روه‌ردا قه‌زا دهۆك رۆژهه‌لات ل گه‌لدا محمد حمدی عبدالمجید سه‌رپه‌رشتێ ئێکێ ب وه‌کاله‌ت سه‌ره‌دانا ئاماده‌یا شالین یا کچان و لۆڤار یا کۆڕان كر و ژ نێزیك هایداری ره‌وشا په‌روه‌رده‌ و فێرکرنێ بوو.

رێڤه‌به‌را په‌روه‌ردێ پشتى گه‌ریانه‌ك دناڤا هۆلێن خواندنێ دا كرین ل ئاماده‌یێن ناڤهاتی چه‌ندین شیره‌ت و ئامۆژگارى پێشكیشى قوتابیان كرن پێخه‌مه‌ت بلندكرنا ئاستێ زانستى .

پاشان ریڤه‌به‌را په‌روه‌ردێ دیفچوونا ئاستێ زانستی یێ قوتابیان و تۆمارێن گرێدایی کارگێریێن قوتابخانا کر و گرنگی و جێبه‌جێکرنا پرۆژێ برێتش کاونسل بۆ کارگێریا به‌حس کر ژ بو سه‌رخستنا پرۆسا په‌روه‌رده‌ و فێركرنێ .

د لایه‌کێ دی یێ سه‌ره‌دانا خو دا رێڤه‌به‌را په‌روه‌ردێ دگه‌ل کارگێری و مامۆستایێن ئاماده‌یا لۆڤار کومبوو و گله‌و گازندێن وان به‌رچاڤ وه‌رگرتن و دوپاتی ل مامۆستایان كر كۆ گرنگیه‌كا مه‌زن ب پاقژیێ و رۆژا بلند کرنا ئالایێ کوردستانێ و ئاستێ زانستى يێ قوتابيان و هه‌ستێ نه‌ته‌وايه‌تى و چڤاتێن دایك و بابان و به‌رهه‌ڤیا خو دیار کر بۆ هه‌ر هه‌ڤکاریه‌کێ و ده‌ستخۆشى ل كارێ وان كر .

هه‌ژی گۆتنێ یه‌ ئاماده‌یا شالین یا کچان زێده‌تری 1000 قوتابیێن به‌شێ زانستی بخوڤه‌ دگریت و ئاماده‌یا لۆڤار زێده‌تری 500 قوتابیێن به‌شێ وێژه‌یی بخوڤه‌ دگریت.