رێڤه‌به‌را په‌روه‌ردا رۆژهه‌لات ل گه‌ل رێڤه‌به‌رێن قوتابخانێن ئاماده‌یی و بنه‌ره‌ت و باخچێن ساڤا ل سنورێ په‌روه‌ردێ کومبوو

    به‌لاڤكرن: په‌روه‌ردا دهۆك روژهه‌لات
    17 چرێا دووێ 2019

رێڤه‌به‌را په‌روه‌ردا رۆژهه‌لات ل گه‌ل رێڤه‌به‌رێن قوتابخانێن ئاماده‌یی و بنه‌ره‌ت و باخچێن ساڤا ل سنورێ په‌روه‌ردێ کومبوو


ئه‌ڤرۆ رێککه‌فتی 17/11/2019 د  کومبوونێن به‌رده‌وامدا دگه‌ل رێڤه‌به‌رێن قوتابخانا، رێڤه‌به‌را په‌روه‌رده‌یا دهۆك رۆژهه‌لات فادیه‌ عبدالقهار محمد  ل گه‌لدا محمد حمدی سه‌رپه‌رشتيارێ ئێكێ ب وه‌کاله‌ت و به‌رهه‌ڤبوونا سه‌رپه‌رشتیارێن په‌روه‌رده‌یی و به‌رپرسێ پشکا ئای تی كۆمبوونه‌ك ل هۆلا رێڤه‌به‌ريا په‌روه‌ردێ دگه‌ل هه‌موو رێڤه‌به‌رێن قوتابخانێن ئاماده‌یی و بنه‌ره‌ت و باخچێن ساڤا ل سنۆرێ په‌روه‌رده‌ێ سازكر.

د كۆمبوونێ دا،  ل ده‌ستپێكێ رێڤه‌به‌را په‌روه‌ردا رۆژهه‌لات ده‌ستخۆشی ل کارگێریێن قوتابخانا و مامۆستایێن سنورێ په‌روه‌ردێ کرن بۆ هه‌ڤکاریا وان یا به‌رده‌وام دگه‌ل په‌روه‌ردێ و پاشی رۆناهی ئێخسته‌ سه‌ر رێڤه‌چوونا پرۆسا په‌روه‌رده‌ و فێرکرنێ ل سنورێ په‌روه‌ردێ و دویڤدا بابه‌تێن بلندکرنا هه‌ستا نه‌ته‌وایه‌تی و بلندکرنا رۆژا ئالایێ کوردستانێ و پاقژيا قوتابخانان و چه‌ندین بابه‌تێن دیتر ته‌وه‌رێن كومبوونێ بوون و لایه‌کێ دی یێ کومبوونێ  دووپاتى ل ئاستێ زانستى يێ قوتابيێن هاته‌ كرن و دووپاتی ل کاراکرنا رابه‌رێن پۆلا و لێژنێن قوتابخانێ و جڤاتێن دایک و بابان کر. پاشان پرکرنا فورمێن گرێدایی فه‌رمانبه‌ران ب گشتی و مامۆستایێن گرێبه‌ست ب تایبه‌تی ب تێروته‌سه‌لی هاتنه‌ روهنکرن و گوت ژی پێتڤیه‌ د ماوێ دوو رۆژان دا بهێنه‌ پرکرن و بۆ په‌روه‌ردێ بهێنه‌ زڤراندن و لدوماهيێ ده‌رگه‌هێ دانوستاندنێ بۆ رێڤه‌به‌ران هاته‌ ڤه‌كرن و سه‌رنج و تێبينى و پێشنيارێن خوه‌ پێشكێشكرن .