رێڤه‌به‌را په‌روه‌ردا رۆژهه‌لات هایداری ره‌وشا قوتابخانێن نالی و ئالا دبیت

    به‌لاڤكرن: په‌روه‌ردا دهۆك روژهه‌لات
    12 چرێا دووێ 2019

رێڤه‌به‌را په‌روه‌ردا رۆژهه‌لات هایداری ره‌وشا قوتابخانێن نالی و ئالا دبیت 


ئه‌ڤرۆ رۆژا سێشه‌مبی رێکه‌فتی 12/11/2019 ب مه‌ره‌ما دیفچوونا ره‌وشا په‌روه‌رده‌ و فێرکرنێ ل سنورێ په‌روه‌ردا رۆژهه‌لات خانم فادیه عبدالقهار محمد رێڤه‌به‌را په‌روه‌ردا قه‌زا دهۆك رۆژهه‌لات ل گه‌لدا محمد حمدی عبدالمجید سه‌رپه‌رشتێ ئێکێ ب وه‌کاله‌ت سه‌ره‌دانا قوتابخانێن #نالی و #ئالا یێن بنه‌ره‌ت كر و ژ نێزیك هایداری ره‌وشا په‌روه‌رده‌ و فێرکرنێ بوو.


رێڤه‌به‌را په‌روه‌ردێ پشتى گه‌ریانه‌ك دناڤا هۆلێن خواندنێ دا كرین ل قوتابخانێن ناڤهاتی چه‌ندین شیره‌ت و ئامۆژگارى پێشكیشى قوتابیان كرن پێخه‌مه‌ت بلندكرنا ئاستێ زانستى .

پاشان ریڤه‌به‌را په‌روه‌ردێ دیفچوونا ئاستێ زانستی یێ قوتابیان و تومارێن گرێدایی کارگێریێن قوتابخانان کر و گرنگی و جێبه‌جێکرنا پرۆژێ برێتش کاونسل بۆ کارگێریێن قوتابخانا به‌حس کر بۆ پتر خزمه‌تكرنا قوتابى و سه‌رخستنا پرۆسا په‌روه‌ردێ و ل دوماهیێ دوپاتی ل رێڤه‌به‌رێن قوتابخانا و مامۆستایان كر كۆ گرنگیه‌كا مه‌زن ب پاقژیێ بده‌ن و دووپاتی ل رۆژا بلند کرنا ئالایێ کوردستانێ و ئاستێ زانستى يێ قوتابيان و هه‌ستێ نه‌ته‌وايه‌تى و چڤاتێن دایك و بابان  کر و به‌رهه‌ڤیا خو دیار کر بۆ هه‌ر هه‌ڤکاریه‌کێ و ده‌ستخۆشى ل كارێ وان كر .