پارێزگه‌رێ دهوكێ قوتابخانا شەھید مەلا ئەمین ل تاخێ ماسیكێ ڤه‌كر

    به‌لاڤكرن: رێڤه‌به‌ریا گشتى یا په‌روه‌ردا پارێزگه‌ها دهوك
    11 چرێا دووێ 2019

ئه‌ڤرو ئێڤارى 11/11/2019 به‌رێز فه‌رهاد ئه‌مین ئه‌تروشى پارێزگه‌رێ دهوكێ قوتابخانه‌كا 12 رێزى ل تاخێ ماسیکا دوو ب ئاماده‌بونا عومەر عەلی تاھا رێڤه‌به‌رێ گشتى یێ په‌روه‌رێ ل پارێزگه‌ها دهوكێ و عومەر ئەحمەد قاسم رێڤەبەرێ پەروەردا دھۆک رۆژئاڤا و ھژمارەکا بەرپرسێن حزبی و حکومی هاته‌ڤه‌كرن كو ژلایێ سه‌ر مایه‌دار مشهود حه‌جى ئه‌مین و برایێ ویڤه‌ هاتیه‌ ئاڤا كرن و كوژمێ زێده‌تر ژ 800 هزار دولارا لێهاتیه‌ خه‌رج كرن و ل سه‌رروبه‌رێ 6500 م2 و هه‌مى پێدڤی تێدا هاتینه‌ دابینكرن وه‌كو تاقیگه‌هێن زانستى و كومپیوته‌رى و كوره‌پانێن وه‌رزشى .

درێ و ره‌سمێن ئاهه‌نگا ڤه‌كرنا هه‌ردو پروژان دا به‌راهیێ پاێزگه‌رێ دهوكێ به‌رێز فه‌رهاد ئه‌مین ئه‌تروشى دپه‌یڤه‌كێ دا بناڤێ حكومه‌تا هه‌رێما كوردستانێ و كارگێریا پارێزگه‌ها دهوكێ پیروزباهیا قوتابى و خه‌لكێ تاخێ نافبرى كر بو ڤه‌كرنا ڤان پروژا و ئاماژه‌ كره‌ گرنگیا پێشڤه‌برنا زانست و زانینێ بو پێشكه‌فتنا هه‌ر ملله‌ته‌كى و داخاز ژ رێڤه‌به‌ریا په‌روه‌ر دێ و كارگێریا قوتابخانێ كر كو دهاریكار بن بو هندێ ئه‌ف پروژه‌ جهى مفا وه‌رگرتنێ بیت و ده‌ست خوشى ل سه‌رمایه‌دار مشهود حه‌جى ئه‌مین و برایێ وى كر بو ئه‌نجام دانا ڤان پروژێن خیر خازیێ ,

دلایه‌كێ دیێ په‌یڤا خودا پارێزگه‌رێ دهوكێ گوت : حكومه‌تا هه‌رێما كوردستانێ ل به‌رنامێن خو یێن سالا نه‌ ل ده‌مێ هه‌بونا بودجێ چ دره‌غى نه‌كریه‌ بو بجهئینانا پروژێن په‌روه‌ردێ و بناغه‌كێ بهێز دانایه‌ و بسه‌دان قوتابخانه‌ و باغچێن زاروكا هاتینه‌ ئاڤا كرن و هه‌رده‌م ل دیڤ شیانا پروژه‌ هاتینه‌ بجهئینان و سه‌كته‌رێن گرێداى ژیانا وه‌لاتیان گرنگى پێ هاتیه‌ دان ,

دیسان گوت كه‌س ناهێت وه‌لاتێ مه‌ ئاڤا كه‌ت هه‌كه‌ ئه‌م بخو ئاڤا نه‌كه‌ین و پێدڤیه‌ خاندن نه‌ بتنێ بو وه‌رگرتنا باوه‌رنامێ بیت به‌لكێ پێدڤى بو داهینانێ بیت و ئه‌و وه‌لاتێن داهینانێ دكه‌ن كه‌سێن وى وه‌لاتى مێشكێ خو دده‌نه‌ كارى و خزمه‌تێن مه‌زن بو وه‌لاتێ خو دكه‌ن ,

ددیڤدا مشهود حه‌جى ئه‌مین دپه‌یڤه‌كێ دا سوز دا كو به‌رده‌وم بیت ل سه‌ر كارێ خێرێ بو وه‌لاتى چونكى كه‌سێن مه‌رده‌ مێر ئه‌ف ئاخه‌ ب خوینا خو پاراستیه‌ و به‌ره‌ڤانى ژ كه‌رامه‌تا وه‌لاتیان كریه‌ ئه‌ڤرو ئه‌ركه‌ ل سه‌ر ملى هه‌مى وه‌به‌ر هینه‌ر و سه‌رمایه‌داران هاریكار بن بو ئاڤا كرنێ و نه‌هێلانا كێماسیان ,

ل دیماهیێ عمر على تاھا رێڤه‌به‌رێ گشتى یێ په‌روه‌ردێ ل پارێزگه‌ها دهوكێ بناڤێ په‌روه‌ردێ سوپاسیا وه‌به‌رهێنه‌ر حه‌جى مشهود كر بو ئاڤا كرنا وێ قوتابخانا پێشكه‌فتى و دیار كر كو پروژه‌كێ زور یێ گرنگه‌ دێ ئاریشا خاندنێ لتاخه‌كێ مه‌زن چاره‌كه‌ت و گوت سه‌رمایه‌دار و وه‌به‌رهێنه‌رێن پارێزگه‌ها دهوكێ ل هه‌مى ده‌لیڤێن ته‌نگاڤیا هاریكار و پشته‌ڤان بوینه‌ بو حكومه‌تا هه‌رێمێ و پیروزباهیا قوتابیێن تاخێ ماسیكا 2 كربو ڤه‌كرنا ڤێ قوتابخانێ.