رێڤه‌به‌را په‌روه‌ردا رۆژهه‌لات‌ ل گه‌ل سه‌رپه‌رشتیارێن په‌روه‌رده‌یی‌ كۆمبوو

    به‌لاڤكرن: په‌روه‌ردا دهۆك روژهه‌لات
    04 چرێا دووێ 2019



رێڤه‌به‌را په‌روه‌ردا رۆژهه‌لات‌ ل گه‌ل سه‌رپه‌رشتیارێن په‌روه‌رده‌یی‌ كۆمبوو


ئه‌ڤرۆ 4/11/2019 خانم فادیه‌ عبدالقهار محمد رێڤه‌به‌را په‌روه‌ردا قه‌زا دهۆک رۆژهه‌لات ل گه‌ل سه‌رپه‌رشتیارێن په‌روه‌رده‌یی یێن په‌روه‌ردا رۆژهه‌لات كۆمبوو.

رێڤه‌به‌را په‌روه‌ردێ‌ د كۆمبوونێ‌ دا، ب به‌رهه‌ڤبوونا محمد حمدی سه‌رپه‌رشتێ ئێکێ ب وه‌کاله‌ت ل په‌روه‌ردا رۆژهه‌لات، پیرۆزباهی ل سه‌رپه‌رشتیارێن نوی کر و داخازا سه‌رکه‌فتنێ بۆ خواست د کارێ وان یێ نوی دا پاشان به‌حسێ‌ گرنگیا رۆلێ‌ سه‌رپه‌رشتیاران د پرۆسا په‌روه‌ردێ‌ دا كر.

د لایه‌كێ‌ دی یێ‌ كۆمبوونێ‌ دا، رێڤه‌به‌را په‌روه‌ردێ ئاماژه‌ ب  پرۆژێ ‏( british council ) و سه‌رخستنا پرۆژه‌یی و هەلسەنگاندنا ده‌ره‌کی وباشتركرنا كوالتيا فێركرنێ وئاڤاكرنا شياناندا كر و چه‌ندين ته‌وه‌رێن گريدايى كارێ سه‌رپه‌رشتياران به‌حس كرن و به‌رهه‌ڤیا خو دیار کر بۆ هه‌ر هه‌ڤکاریه‌کێ پێخه‌مه‌ت سه‌رخستنا پرۆسا په‌روه‌ردێ.

ل دووماهیا كۆمبوونێ‌، ده‌لیڤه‌ هاته‌ دان بۆ سه‌رپه‌رشتيارێ ئێكێ ئه‌و ژی خالێن خوه‌ لدوور سه‌ره‌دانێن سه‌رپه‌رشتیاران بۆ قوتابخانا و ميلاكێ قوتابخانان و تومارێن گرێدايى كارگێريێ ڤه‌ و پرۆژێ ‏( british council ) به‌حس كرن و لدوماهيێ ده‌رگه‌هێ دانوستاندنێ بۆ سه‌رپه‌رشتیاران هاته‌ ڤه‌كرن و سه‌رنج و تێبينى و پێشنيارێن خوه‌ پێشكێشكرن.