رێڤه‌به‌رێ‌ په‌روه‌ردا رۆژئاڤا ل گه‌ل رێڤه‌به‌رێن هه‌موو قوتابخانان كۆمبوو

    به‌لاڤكرن: په‌روه‌ردا دهۆك روژئاڤا
    04 چرێا دووێ 2019


ب هه‌لكه‌فتا سالا نوو یا خواندنێ‌ 2019-2020 ئه‌ڤرۆ 4/11/2019 عومه‌ر ئه‌حمه‌د قاسم رێڤه‌به‌رێ‌ په‌روه‌ردا دهۆك رۆژئاڤا ب به‌رهه‌ڤبوونا عوسمان سلێمان سه‌رپه‌رشتیارێ‌ ئێكێ‌ ل په‌روه‌ردا دهۆك رۆژئاڤا ل گه‌ل رێڤه‌به‌رێن هه‌موو قوتابخانان ل سنوورێ‌ په‌روه‌ردا ناڤبری كۆمبوو.
رێڤه‌به‌رێ‌ په‌روه‌ردا رۆژئاڤا ل ده‌ستپێكا كۆمبوونێ‌ دوپاتی ل بلندكرنا ئاستێ‌ نه‌ته‌وی و بلندكرنا ئالایێ‌ كوردستانێ‌ كر و هه‌روه‌سا به‌حسێ‌ په‌روه‌رده‌ و فێركرنێ‌ و سیسته‌مێ‌ ئی په‌روه‌رده‌ و دووڤچوونا قوتابیان و وانێن وه‌رزش و هونه‌ر و تۆمارێن قوتابخانێ‌ و كاروبارێن كارگێری و پاقژراگرتنا قوتابخانێ‌ و كه‌لوپه‌لێن وێ‌ و چه‌ندین بابه‌تێن دی كر.
ل دووڤ دا سه‌رپه‌رشتیارێ‌ ئێكێ‌ ل په‌روه‌ردا دهۆك رۆژئاڤا چه‌ند رۆهنكرن دان و پاشی ده‌رگه‌هێ‌ دانوستاندنێ‌ بۆ رێڤه‌به‌رێن به‌رهه‌ڤبووی هاته‌ ڤه‌كرن.