په‌روه‌ردا رۆژهه‌لات: ل دەسپێکا چریا دووێ دێ ده‌ست ب یاریێن رێكخستى هێنه‌ كرن

    به‌لاڤكرن: په‌روه‌ردا دهۆك روژهه‌لات
    31 چرێا ئێكێ 2019

ل دەسپێکا چریا دووێ دێ ده‌ست ب یاریێن رێكخستى  هێنه‌ كرن


ئه‌ڤرۆ  31/10/2019 ب ئاماده‌بونا خانم( فادیة عبدالقهار محمد) رێڤه‌به‌را په‌روه‌ردا قه‌زا دهۆک رۆژهه‌لات ،  و مامۆستا (محمد حمدي) سەرپەرشتیارێ ئێکێ ل په‌روه‌ردا رۆژهه‌لات و ( عادل حسين ) سه‌رپه‌رشتێ  وه‌رزشى ل په‌روه‌ردێ ، و (رێگر احمد )  به‌رپرسێ پشكا چالاكیێن وه‌رزشى ل په‌روه‌ردا رۆژهه‌لات ، وبه‌رهه‌ڤبونا ژمارەکا باش ژ مامۆستایێن وه‌رزشى  ، كومبونا تەکنیکی یاسالانه‌ بو یاریێن رێكخستى ل هولا په‌روه‌ردێ هاته‌ كرن ، دكورته‌ په‌یڤه‌كێدا رێڤه‌به‌را په‌روه‌ردا دهوك رۆژهه‌لات سالا نوى ل هه‌موو ماموستایێن ئاماده‌بووى پێروز كر وگوت مه‌ ب ده‌لیڤه‌ دیت ئه‌م هنده‌ك چالاكیێن وه‌رزشى لسه‌ر ئاستێ  قوتابخانه‌یان ئه‌نجامبده‌ین ، ئارمانج ژڤه‌كرنا ڤان قاره‌مانیان ئه‌وه‌ لڤینا وه‌رزشى ل قوتابخانه‌یێن مه‌ نه‌راوستیت ، دیسان گوت هەرچەندە ئەم قوتابیێن خو  ژلایێ زانستی ڤە بو پاشەروژێ  ئامادە دکەین ،  بەلێ دبیت هەمی قوتابێن مە شیانێن زانستی نەبن و یێن وەرزشی ل دەڤ هنده‌ک قوتابیان هەبن ژبەر ڤێ چەندێ پێدڤیە لسەر ماموستای د گوتنا وانا خودا بەهرەمەندان دەست نیشان بکەت و گرنگی پێ بهێتە دان ومفای ژ شیانێن وی بینیت و یاریێ لسەر ئاستێ قوتابخان بکەت یان لسەر ئاستێ پەروەردا ئەنجامبدەت ، ژلایه‌كێ دویڤه‌ رێڤه‌به‌را په‌روه‌ردێ داكوكى لسه‌ر پارێ فروشگه‌هێن قوتابخانه‌یان كر ، گوت لدویڤ وێ پشكا فروشگه‌هێ ئه‌وا دگه‌هیته‌ وه‌رزشا قوتابخانێ ماموستایێ وه‌رزشى دشێت پێدڤیێت وه‌رزشى  و وان كارو چالاكیێن دهێنه‌ كرن  لدویڤ شیانان ئه‌نجامبده‌ت ، باش ده‌رگه‌هێ دانوستاندنێ وگه‌نگه‌شێ هاته‌ ڤه‌كرن  وپیشنیار وبوچوون هاتنه‌ دیاركرن  ،دویڤدا سه‌رپه‌رشتێ په‌روه‌ردا وه‌رزشى وبه‌رپرسێ پشكا چالاكیێن وه‌رزشى ب درێژى به‌حسى رێنمایێن پشكداریكرنێ  كرن،  هیڤى خواست هه‌موو پێگێریێ ب رێنمایێن یاریێن رێكخستى بكه‌ن وداخوازا سه‌ركه‌فتنێ بو هه‌موویان خواست ، بو زانین 

ل دەسپێکا چریا دوێ دێ ده‌ست ب یاریێن رێكخستى لسەر ئاستێ قوتابخانێن بنەرەتی و ئامادەیی هێنه‌ كرن