رێڤه‌به‌را په‌روه‌ردا رۆژهه‌لات ل گه‌ل رێڤه‌به‌رێن قوتابخانێن ئاماده‌یی ل سنورێ په‌روه‌ردێ کومبوو

    به‌لاڤكرن: په‌روه‌ردا دهۆك روژهه‌لات
    22 چرێا ئێكێ 2019

رێڤه‌به‌را په‌روه‌ردا رۆژهه‌لات ل گه‌ل رێڤه‌به‌رێن قوتابخانێن ئاماده‌یی ل سنورێ په‌روه‌ردێ کومبوو


ئه‌ڤرۆ رێککه‌فتی ٢٢/١٠/٢٠١٩ د چارچوڤێ بزاڤ و چالاكیێن خو دا ، رێڤه‌به‌را په‌روه‌رده‌یا دهۆك رۆژهه‌لات فادیه‌ عبدالقهار محمد  ل گه‌لدا محمد حمدی سه‌رپه‌رشتيارێ ئێكێ ب وه‌کاله‌ت و به‌رهه‌ڤبوونا به‌رپرسێ ئه‌زموونان كۆمبوونه‌ك ل هۆلا رێڤه‌به‌ريا په‌روه‌ردێ دگه‌ل هه‌موو رێڤه‌به‌رێن قوتابخانێن ئاماده‌یی ل سنۆرێ په‌روه‌رده‌ێ سازكر.

د كۆمبوونێ دا،  ل ده‌ستپێكێ رێڤه‌به‌را په‌روه‌ردا رۆژهه‌لات سالا نووى يا خواندنێ لێ پيرۆز كرن و رۆناهی ئێخسته‌ سه‌ر پرۆسێسا ده‌ستپێكرنا ده‌واما سالا نووى یا خواندنێ (٢٠١٩-٢٠٢٠). پاشی بابه‌تێن په‌رتووك و ڤه‌گوهاستنا مامۆستا و پاقژيا قوتابخانان و چه‌ندین بابه‌تێن دیتر ته‌وه‌رێن كومبوونێ بوون و پاشان دووپاتى ل ئاستێ زانستى يێ قوتابيێن ئاماده‌یی هاته‌ كرن و دووپاتی ل کاراکرنا رابه‌رێن پۆلا و لێژنێن قوتابخانێ و جڤاتێن دایک و بابان کر. پاشی ده‌لیڤه‌ هاته‌ دان بۆ سه‌رپه‌رشتيارێ ئێكێ و به‌رپرسێ ئه‌زموونان و چه‌ندین ته‌وه‌ر هاتنه‌ روهن كرن و لدوماهيێ ده‌رگه‌هێ دانوستاندنێ بۆ رێڤه‌به‌رێن قوتابخانێن ئاماده‌یی هاته‌ ڤه‌كرن و رێڤه‌به‌رێن قوتابخانا سه‌رنج و تێبينى و پێشنيارێن خوه‌ پێشكێشكرن .

کومبوونێ ده‌مژمێره‌کێ ڤه‌کێشا.