قوتابیه‌كا په‌روه‌ردا دهۆك رۆژئاڤا ل سه‌ر 15 هزار قوتابیێن جیهانێ‌ بوو یا ئێكێ‌

    به‌لاڤكرن: په‌روه‌ردا دهۆك روژئاڤا
    21 چرێا ئێكێ 2019



قوتابی به‌تول قورته‌به‌  ئه‌حمه‌د ل ئۆلمپیاتێن كلتۆر و زمانی ل وه‌لاتێ‌ كه‌نه‌دا ل سه‌ر 15 هزار قوتابیێن جیهانێ‌ یێن پشكدار بوو سه‌ركه‌فتیا ئێكێ‌ و مه‌دالیا زێرێ‌ ب ده‌ستڤه‌ئینا.
شێروان عه‌لی رێڤه‌به‌رێ‌ كۆلیژا ئیشق ل دهۆكێ‌ و قوتابیا خوه‌ به‌تول قورته‌به‌ ئه‌ڤرۆ 21/10/2019 سه‌ره‌دانا په‌روه‌ردا دهۆك رۆژئاڤا كر و ژ لایێ‌ عومه‌ر ئه‌حمه‌د قاسم رێڤه‌به‌رێ په‌روه‌ردا دهۆك رۆژئاڤا ڤه‌ هاتنه‌ پێشوازیكرن و د دیداره‌كێ‌ دا رێڤه‌به‌رێ‌ په‌روه‌ردێ‌ ده‌ستخۆشی ل قوتابیا ناڤبری كر و خواست كو نموونێن وه‌كو به‌تولێ‌ زێده‌ ببن و هیڤیا سه‌ركه‌فتنێن به‌رده‌وام بۆ خواست و پشته‌ڤانیا خوه‌ بۆ دیار كر.
به‌تول قورته‌به‌ قوتابیا پۆلا حه‌فتێه‌ ل كۆلیژا ئیشق كچان ل دهۆكێ‌ كو سه‌ر ب په‌روه‌ردا دهۆك رۆژئاڤا ڤه‌ یه‌ و كورده‌ و چار زمانان دزانیت.
هه‌ژی گۆتنێ‌ یه‌، ئۆلمپیاتا كلتۆر و زمانی هه‌ر سال ل وه‌لاته‌كی دهێته‌ ئه‌نجامدان و ئه‌ڤ ساله‌ ل وه‌لاتێ‌ كه‌ندا بوو و 15 هزار قوتابی ل سه‌رانسه‌ری جیهانێ‌ تێدا د پشكدار بوون و به‌تول بوو سه‌ركه‌فتیا ئێكێ‌ و مه‌دالیا زێری وه‌رگرت.