ئێكه‌مین كۆمبوونا سالا نوو یا خواندنێ يا رێڤه‌به‌رێن قوتابخانێن بنه‌ره‌ت و باخچێن ساڤا هاته‌ سازكرن

    به‌لاڤكرن: په‌روه‌ردا دهۆك روژهه‌لات
    20 چرێا ئێكێ 2019

ئێكه‌مین كۆمبوونا سالا نوو یا خواندنێ يا رێڤه‌به‌رێن قوتابخانێن بنه‌ره‌ت و باخچێن ساڤا هاته‌ سازكرن


د به‌رده‌وامیا بزاڤ و چالاكیێن خو دا ، رێڤه‌به‌را په‌روه‌رده‌یا دهۆك رۆژهه‌لات فادیه‌ عبدالقهار محمد  ل گه‌لدا محمد حمدی سه‌رپه‌رشتيارێ ئێكێ ب وه‌کاله‌ت و به‌رهه‌ڤبوونا سه‌رپه‌رشتارێن په‌روه‌رده‌یی و به‌رپرسێ ئه‌زموونان كۆمبوونه‌ك ل هۆلا رێڤه‌به‌ريا په‌روه‌ردێ دگه‌ل هه‌موو رێڤه‌به‌رێن قوتابخانێن بنه‌ره‌ت و باخچێن ساڤا ل سنۆرێ په‌روه‌رده‌ێ سازكر.

د كۆمبوونێ دا، رێڤه‌به‌را په‌روه‌ردا رۆژهه‌لات ، ل ده‌ستپێكێ سالا نووى يا خواندنێ لێ پيرۆز كرن و رۆناهی ئێخسته‌ سه‌ر پرۆسێسا ده‌ستپێكرنا ده‌واما سالا نووى یا خواندنێ (٢٠١٩-٢٠٢٠). پاشی بابه‌تێن په‌رتووك و ڤه‌گوهاستنا مامۆستا و پاقژيا قوتابخانان و چه‌ندین بابه‌تێن دیتر ته‌وه‌رێن كومبوونێ بوون و دووپاتى ل ئاستێ زانستى يێ قوتابيێن بنه‌ره‌ت هاته‌ كرن. پاشی ده‌لیڤه‌ هاته‌ دان بۆ سه‌رپه‌رشتيارێ ئێكێ ئه‌و ژی خالێن خوه‌ ل سه‌ر كارگێريێن قوتابخانا و ميلاكێ قوتابخانان و پركرنا ڤالاهييان ب وانه‌بێژان و تومارێن گرێدايى كارگێريێ ڤه‌ و سیسته‌مێ ‏( british council ) هاتنه‌ روهن كرن و لدوماهيێ ده‌رگه‌هێ دانوستاندنێ بۆ رێڤه‌به‌رێن قوتابخانا هاته‌ ڤه‌كرن و رێڤه‌به‌رێن قوتابخانا سه‌رنج و تێبينى و پێشنيارێن خوه‌ پێشكێشكرن .