رێڤه‌به‌را په‌روه‌ردا دهۆک رۆژهه‌لات به‌رده‌وام دیفچوونا کارێ رۆژانه‌ ل کۆچکا په‌روه‌ردێ دکه‌ت

    به‌لاڤكرن: په‌روه‌ردا دهۆك روژهه‌لات
    15 چرێا ئێكێ 2019

رێڤه‌به‌را په‌روه‌ردا دهۆک رۆژهه‌لات به‌رده‌وام دیفچوونا کارێ رۆژانه‌ ل کۆچکا په‌روه‌ردێ دکه‌ت


ئه‌ڤرۆ رێکه‌فتی 15/10/2019 ب مه‌ره‌ما دیفچوونا کارێ رۆژانه‌ یێ کۆچکا په‌روه‌ردێ فادیه عبدالقهار محمد رێڤه‌به‌را په‌روه‌ردا قه‌زا دهۆك رۆژهه‌لات ب به‌رهه‌ڤبوونا کاظم سلمان به‌رپرسێ هۆبا كارگێرى دكومبونێن به‌رده‌وام دا دگه‌ل فه‌رمانبه‌رێن كۆچكا په‌روه‌ردێ ل گه‌ل به‌رپرسێن پشكان كۆمبوو.

رێڤه‌به‌را په‌روه‌ردێ د كۆمبوونێ دا سه‌ره‌رایی ده‌ستخۆشیان دوپاتى ل هه‌موو به‌رپرسین پشكا كر كو ب ره‌نگه‌كێ جوان سه‌ره‌ده‌ریێ ل گه‌ل وان هه‌موو كه‌سان و مامۆستايان بكه‌ن یێن بۆ برێڤه‌برنا كاروبارێن خوه‌ سه‌ره‌دانا رێڤه‌به‌ریا په‌روه‌ردێ دكه‌ن و هه‌موو كارئاسانیان بۆ بكه‌ن و گوت ژی کارێ ب کووم ل کۆچکا په‌روه‌ردێ سه‌رکه‌فتن بده‌ستخوڤه‌ ئینایه‌.

پێگێریا ده‌واما فه‌رمانبه‌ران ته‌وه‌ره‌كێ دى یێ كۆمبوونێ بوو و رێڤه‌به‌را په‌روه‌ردێ به‌رهه‌ڤیا خو دیار کر بۆ هه‌می فه‌رمانبه‌ران بۆ وێ چه‌ندێ كار ل رێڤه‌به‌ریا په‌روه‌ردێ ب له‌ز و سه‌رده‌مانه‌ بهێته‌ برێڤه‌برن.

ل دووماهیێ ژى رێڤه‌به‌را په‌روه‌ردێ ده‌ستخۆشى ل هه‌موو كارمه‌ندان كر بۆ وى كارێ هه‌تا نها ب ره‌نگه‌كێ باش ئه‌نجامداى و هیڤیخواست باشتر ژى ئه‌نجام بده‌ن و رۆژ بۆ رۆژێ پتر خزمه‌تێ پێشكێش بكه‌ن و روولێ وان به‌رز نرخاند و پاشان ده‌رگه‌هێ دانوستاندنێ بۆ به‌رپرسین پشكا هاته‌ ڤه‌كرن .