رێڤه‌به‌را په‌روه‌ردا دهۆك رۆژهه‌لات : مامۆستا ميكانيزما گه‌شه‌كرنا هه‌ر جڤاكه‌كى نه‌

    به‌لاڤكرن: په‌روه‌ردا دهۆك روژهه‌لات
    06 چرێا ئێكێ 2019

رێڤه‌به‌را په‌روه‌ردا دهۆك رۆژهه‌لات

مامۆستا ميكانيزما گه‌شه‌كرنا هه‌ر جڤاكه‌كى نه‌


ب هه‌لكه‌فتا رۆژا جیهانى یا مامۆستایان و رۆژا مامۆستایێن كوردستانێ، ب ناڤێ خو و رێڤه‌به‌ریا په‌روه‌ردا دهۆك رۆژهه‌لات گه‌رمترین پیرۆزباهیان ئاراسته‌ى مامۆستایێن كوردستانێ و جیهانێ ب گشتى و یێن دهۆكێ و سنورێ په‌روه‌ردا رۆژهه‌لات ب تایبه‌تى دكه‌ین .

بێگومان رۆل و پێگه‌هێ مامۆستای دهه‌می بیاڤێت ژیانێ دا یێ دیار و به‌رچاڤه‌ ول سه‌ر هه‌می پێكهاتێن جڤاكی ره‌نگڤه‌دده‌ت و هه‌ر ئه‌وه‌ جڤاكان ئاڤا دكه‌ن و كارێ وانه‌ سه‌ركێش و سه‌ركرده‌ و زانا و بلیمه‌تان دروست دكه‌ن و پێ دگه‌هینن و رولێ ماموستایێ كورستانێ دڤی واریدا قه‌ت ناهێته‌ ژبیر كرن، چونكه‌ وی هه‌رده‌م خو كریه‌ موم ژبوو روهنكرنا رێكا ئازادیا گه‌لێ مه‌ و دهه‌می شوره‌ش و سه‌رهه‌لدان و ده‌لیڤێت به‌رته‌نگ دا، و ماموستایێت كوردستانێ ددژوارترین ده‌لێڤێت گه‌لێ مه‌ تێدا ده‌ربازبوی نه‌ هێلایه‌ كاروانێ زانست و خاندنێ ل كورستانێ راوه‌ستیت و ئه‌م ژجیهانێ بهیێنه‌ ڤه‌قه‌تیان و ئه‌ڤ كاروانه‌ ب سه‌رفه‌رازی گه‌هاندیه‌ قوناغێ و ژبه‌ر ڤی رولێ پیروزێ ماموستایان ئه‌م هه‌رده‌م شانازیێ ب وان دكه‌ین و چ جارا رولێ وانێ پیروز ناهێته‌ ژبیركرن.

مامۆستا ميكانيزما گه‌شه‌كرنا هه‌ر جڤاكه‌كى نه‌، ” وه‌کو په‌روه‌رده‌ ب ئه‌ركێ خوه‌ دزانين هاريكار و به‌رگريكارێن مامۆستايان بين بۆ وێ چه‌ندێ ئاستێ وان يێ زانستى بلندتر بيت وبارێ گوزه‌رانيا وان باشتر بيت”.


دووباره‌ ئه‌ڤ رۆژه‌ ل هه‌می مامۆستایان پیرۆزه‌ و به‌رز و بلند و سه‌رفه‌رازبن


فادیه‌ عبدالقهار محمد

رێڤه‌به‌را په‌روه‌ردا دهۆک رۆژهه‌لات

رۆژا ئێکشه‌مبی 6/10/2019