رێڤەبەرێ گشتى يێ پەروەردێ جودا جودا دگەل ماموستايێن بيركارى وزانستێ لسنورێ پەروەردێن دهوك روژهەلات وروژئاڤا وسێمێلێ كومبو

    به‌لاڤكرن: رێڤه‌به‌ریا گشتى یا په‌روه‌ردا پارێزگه‌ها دهوك
    02 چرێا ئێكێ 2019

پشتى ل ئێكەم كومبونا جڤاتا پەروەردێ ل وەزارەتا پەروەردێ ل روژا دووشەمبى رێكەفتى 12/8/2019 بريارا هەلوەشاندنا ئينگليزى كرنا هەردوو بابەتێن بيركارى وازست كو ل سالا خواندنێ 2015/2016 دەست پێكرى ، بو ڤێ مەبەستێ ئەڤرو روژا ئێك شەمبى رێكەفتى 29/9/2019 بەرێز عمر على تاها رێڤەبەرێ گشتى يێ پەروەردێ جودا جودا دگەل ماموستايێن بيركارى وزانستێ لسنورێ پەروەردێن دهوك روژهەلات ودهوك روژئاڤا وقەزا سێمێلێ كومبو .

دكومبونێ دا وب ئامادەبونا رێڤەبەرێن پەروەردێن قەزا دهوك روژهەلات وسێمێل ورێڤەبەرێ رێڤەبەريا سەرپەرشتيا پەروەردەيى ل پارێزگەها دهوكێ بەرێز رێڤەبەرێ گشتى يێ پەروەردێ دا دياركرن كو هەمى ميتود و بيردوزێن نوى يێن فێربونێ رژديێ لسەر فێربونا ب زمانێ دەيكێ دكەن نەخاسمە بابەتێن هزركرنێ و زانستى و تەئكيد ل ماموستيان كر كو ب رێكا سەرپەرشتيارێن بسپور وپەروەردەيى ميكانيزمەك بو دوبارە شروڤەكرنا هەردوو بابەتێن بيركارى وئينگليزى ب زمانێ دەيكێ بهێتە دويتن داكو چێ زيان ب قوتابيان نەكەڤن وقوتابى ب شێوەيكێ ئاسايى ڤان قوناغان بێ ئاستەنگ دەرباز بكەت ، هەر دكومبونێ بەرێز رێڤەبەرێ گشتى ئاشكرا كر كو دێ گرنگييەكا باشتر ب زمانێ ئينگليزى هێتە كرن ب رێكا ميكانيزمەك وئاليەتەكا دى وب هەڤكارى دگەل ماموستايێن پسپورێن زمانى يێن زانكويێن هەرێمێ بو ڤێ مەبەستێ .