بريارە فیستەڤالا ئۆپەرێتێ‌ ل سەر ئاستێ‌ پەروەردەیێن هەرێمێ‌ ل رۆژێن 1/10/2019 تا 3/10/2019 ل هەولێرێ بهێتە گێران

    به‌لاڤكرن: رێڤه‌به‌ریا گشتى یا په‌روه‌ردا پارێزگه‌ها دهوك
    29 ئه‌یلول 2019

ئەڤرو سپێدێ رێكەفتى 29/9/2019 بەرێز عمر علی طه رێڤەبەرێ‌ گشتی یێ‌ پەروەردا پارێزگەها دهۆكێ‌ ودگەل دا سامان مصطفی هاریكارێ‌ رێڤەبەرێ‌ گشتی بو كاروبارێن تەكنيكى بەرهەڤی پرۆڤێن ئۆپەرێتا نیشتیمان بوون كو ل هۆلا محمد عارفێ‌ جزیری برێڤە دچن.

رێڤەبەرێ‌ گشتی يێ‌ پەروەردێ‌ د پەیڤەكێ‌ دا ل گەل پشكدارێن ئوپەرێتێ‌، سەرباری دەستخۆشیێ‌، چەندین رێنما ل دۆر چالاكیێ‌ پێشكێشكرن و دیاركر كو ئەڤ جورە چالاكییە ل ناڤ قوتابیان راهێنانە ل سەر هەبوونا پێكڤەژیانێ‌ و وانەیەكە ل سەر سەركێشییا كۆمێ‌، شێوەرمەندیێ و هەڤكارییا كۆمێ‌ و لێكتێگەهشتنێ. و خواست كو ئەڤ چالاكییە ل سەر ئاستێ‌ فیستەڤالا ئۆپەرێتێ‌ یا پەروەردەیان جهەكێ‌ باش بگریت و داخوازا سەركەفتنێ‌ بۆ قوتابیێن پشكدار كر.

هەژی گۆتنێ‌ یە كو فیستەڤالا ئۆپەرێتێ‌ ل سەر ئاستێ‌ پەروەردەیێن هەرێمێ‌ ل رۆژێن 1/10/2019 و هەتا 3/10/2019 دێ‌ ل هەولێر هێتە گێران و تێدا ل سەر ئاستێ‌ پەروەردەیێن گشتی دێ‌ نمایشێن ئۆپەرێتێن قوتابیان ل سەر ئاستێ‌ قوتابخانەیێن بنەرەت برێڤەچیت.

پێدڤێ‌ ئاماژێ‌ یە كو ئۆپەرێتان ( نیشتیمان ) رێڤەبەریا چالاكیێن قوتابخانان ل پەروەردا گشتى یا دهۆكێ‌ بەرهەڤكریە و تێدا هەژمارەكا مامۆستایێن چالاكیان و قوتابیێن قوتابخانا رێزان ل سنۆرێ‌ پەروەردا رۆژئاڤا دپشكدارن.

<iframe src="https://www.facebook.com/plugins/video.php?href=https%3A%2F%2Fwww.facebook.com%2Fragahandna.parwarda.gshty%2Fvideos%2F1259930607511956%2F&show_text=0&width=560" width="560" height="315" style="border:none;overflow:hidden" scrolling="no" frameborder="0" allowTransparency="true" allowFullScreen="true"></iframe>