وەزيرێ پەروەردێ " ئێك ژ ئەولەوياتێن بەرنامێ كابينا نەهێ يا حكومەتا هەرێما كوردستانێ پەروەردە يە "

    به‌لاڤكرن: رێڤه‌به‌ریا گشتى یا په‌روه‌ردا پارێزگه‌ها دهوك
    21 ئه‌یلول 2019

ئەڤرو پشتى نيڤرو رێكەفتى 21/9/2019 رێزدار ئالان حەمە سەعيد وەزيرێ پەروەردێ ودگەل دا عمر على تاها رێڤەبەرێ گشتى يێ پەروەردێ وژبو نێزيك ئاگەهداربون ب رەوشا خولێن (هەلسەنگاندنا دەرەكى وباشتركرنا كوالتيا فێركرنێ وئاڤاكرنا شيانان وخولا كاراما وبەهايێن كومەلايەتى ) ئەوا بو رێڤەبەرێن باغچێن زاروكان ورێڤەبەرێن قوتابخانێن بنەرەت وئامادەيى هاتيە ڤەكرن سەرا رێڤەبەريا مەشق وراهێنانێ سەر ب رێڤەبەريا گشتى يا پەروەردا پارێزگەها دهوكێ دا .

دڤێ سەرەدانێ دا بەرێز وەزيرێ پەروەردێ دپەيڤەكێ دا بو پشكدارێن خولێ دا دياركرن كو وەزارەتا پەروەردێ دێ هەمى هەول وبزاڤان كەت بوباشتركرن وپێشڤەبرنا پروسا پەروەرده وفێركرنێ ل هەرێما كوردستانێ و ئاشكرا كر كو سەروكاتيا حكومەتا هەرێما كوردستانێ گرنگى يەكا تايبەت دبەرنامێ كارێ خودا دايە پەروەردێ وئێك ژ ئەولەوياتێن بەرنامێ كابينا نەهێ يا حكومەتا هەرێما كوردستانێ پەروەردە يە ، ددرێژاهيا پەيڤا خودا بەرێز وەزيرێ پەروەردێ وب هەلكەفتا دەستپێكرنا سالا نوى يا خواندنێ 2019/2020 پيروزباهيا سالا نوى يا خواندنێ ل هەمى ماموستايان كر ودا دياركرن كو وەزارەتا پەروەردێ رول وكاريگەريا دلسوزا هەوەيێن بەرێز دپروسا پەروەردە وفێركرنێ دا لبەرچاڤ وەرگرتيە وسوپاسيا هەوە دكەين .

ل دەستپێكا سالا نوى يا خواندنێ دا ژپێخەمەت روخساندنا سەقايەكێ گونجاى هەوە دلنيا دكەين كو وەزارەتا پەروەردێ دى يا رژد بيت ل سەر هەول وبزاڤێن خو يێن بەردەوام بو بدەستڤەئينانا ژيانەكا خوش وشايستە وگرنگى دان ب سەرمايە وشيانيێن ماموستايان وداخواز ژ ماموستايان كر كو نها ژى هەمان رول بگێرن وببنە جهێ پێشڤەبرن وبلندكرنا كەرتێ پەروەردێ لسەر بنەمايێ پێشكەفتنا خەلكێ هەرێما كوردستانێ ، بو بدەستڤەئينانا بەهايێن كومەلايەتى وسنورێن بەرز مينا " ڤيانا خاك ووەلاتى ، سەروەريا ياسايێ ورێزگرتن وپاراستنا مافێ مروڤى، پاك راگرتنا ژينگەها كوردستانێ ، ئێك دووقەبيل كرن وپێكڤە ژيان وگرنگى دان ب ڤيان وخوشەويستى وشيانێن مروڤى " .