هەمى سەرپەرشتيار ورێڤەبەرێن قوتابخانا دێ پشكداريێ دخولا هەلسەنگاندنا دەرەكى وباشتركرنا كوالتيا فێركرنێ وئاڤاكرنا شياناندا كەن

    به‌لاڤكرن: رێڤه‌به‌ریا گشتى یا په‌روه‌ردا پارێزگه‌ها دهوك
    15 ئه‌یلول 2019


ئەڤرو بەرى نيڤرو رێكەفتى 15/9/2019 رێزدار عمر على تاها رێڤەبەرێ گشتى يێ پەروەردێ ل پارێزگەها دهوكێ ودگەل دا سامان مستەفا هاريكارێ رێڤەبەرێ گشتى بو كاروبارێن تەكنيكى وبو ژنێزيك ئاگەهداربون ب رەوشا خولا هەلسەنگاندنا دەرەكى وباشتركرنا كوالتيا فێركرنێ وئاڤاكرنا شيانان ئەوا بو سەرپەرشتيارێن پەروەردەيى وبسپورى ل هەردوو قوناغێن بنەرەت وئامادەيى هاتيە ڤەكرن سەرا رێڤەبەريا پەيمانگەها راهێنان وگەشەپێدانا پەروەردەيى دا .

دڤێ سەرەدانێ دا رێڤەبەرێ گشتى يێ پەروەردێ بەحسێ گرنگيا ڤێ خولێ كر وتەئكيد ل پشكداران كر كو ب پراكتيك بابەت وناڤەروكا خولێ دكارێ روژانە دا پەيرەو بكەن .

هەژى گوتنێ يە ئەڤ خولە بو ماوێ 5 روژان يا بەردەوام بو وبريارە ژ سوبەهى رێكەفتى 16/9/2019 ئەڤ خولە بو هەمى رێڤەبەرێن باغچە وبنەرەت وئامادەيى ل سەرانسەرى پارێزگەها دهوكێ بهێنە ڤەكرن .