رێ ورەسمەكێ تايبەت بو خەلاتكرنا زاروێن شەهيدان وقوتابيێن سەركەفتى ل قوناغا بنەرەتى ل سنورێ هەردوو پەروەردێن قەزا دهوك روژهەلات وروژئاڤا هاتە گێران

    به‌لاڤكرن: رێڤه‌به‌ریا گشتى یا په‌روه‌ردا پارێزگه‌ها دهوك
    11 ئه‌یلول 2019


ئەڤرو رێكەفتى 11/ ئەيلولا /2019 و ب هەلكەفتا ساليادا شورەشا مەزنا ئەيلولێ زانكويا پوليتەكنيك - دهوك ب هەڤكارى دگەل لقێ ئێكێ پارتى ورێڤەبەريا گشتى يا پەروەردێ رێ ورەسمەكێ تايبەت بو خەلاتكرنا زاروێن شەهيدان وقوتابيێن سەركەفتى ل قوناغا بنەرەتى ل سنورێ هەردوو پەروەردێن قەزا دهوك روژهەلات وروژئاڤا هاتە گێران .

دڤى رێ ورەسمى دا و ب ئامادەبونا بەرێزان سربست تروانشى ئەندامێ سەركردايەتيا پارتى وبەرپرسێ لقێ ئێك و پروفيسور عدنان محسن سەروكێ زانكويا پوليتەكنيك وعمر على تاها رێڤەبەرێ گشتى يێ پەروەردێ وژمارەكا راگروماموستايێن زانكويێ وسەميان وكەس وكارێن قوتابيان ژمارەكا زاروكێن شەهيدان وقوتابيێن سەركەفتى ل قوناغا بنەرەتى ل سنورێ هەردوو پەروەردێن قەزا دهوك روژهەلات وروژئاڤا هاتنە خەلاتكرن .

درێ ورەسمێن خەلاتكرنێ دا چەندين پەيڤ هاتنە خواندن وتێدا بەحسێ شورەشا مەزنا ئەيلولێ ب رابەراتيا بابێ روحيێ نەتەوا كورد بارزانيێ نەمر و پارتى ديموكراتى كوردستان وبەردەواميا وان شورەش وسەرهلدانێن ژپێخەمەت ئازادى وسەرفرازيا خەلكێ كوردستانێ هاتە كرن .