ل قەزا شێخان رێ ورەسمەكێ تايبەت بو خەلاتكرنا قوتابيێن سەركەفتى يێن ئێكێ ل سەر ئاستێ قەزايێ هاتە كرن

    به‌لاڤكرن: رێڤه‌به‌ریا گشتى یا په‌روه‌ردا پارێزگه‌ها دهوك
    29 ئاب 2019


ئەڤرو سپێدێ رێكەفتى 29/8/2019 و ب ئامادەبونا بەرێزان محمود محمود ئێزدى بەرپرسێ لقێ 20 شێخان وعمر على تاها رێڤەبەرێ گشتى يێ پەروەردێ وسردار يحيى قائمقامێ قەزا شێخان واسعد محي الدين رێڤەبەرێ پەروەردا قەزا شێخان وژمارەكا رێڤەبەرێن رێڤەبەريێن دام ودەزگەهێن حكومى وحزبى وب پشتەڤانيا وەزارەتا سامانێن سروشتى وكومپانيا هانت ئوێل رێ ورەسمەكێ تايبەت بو خەلاتكرن ورێزلێنانێ ل 78 قوتابيێن سەركەفتى يێن ئێكێ لسەر ئاستێ قەزا شێخان ل هەردوو قوناغێن خواندنێ 12 ئامادەيى و9 بنەرەتى سالا خواندنێ 2018/2019 و رێزلێنان وخەلاتكرنا دام ودەزگەهێن هاريكار دگەل پەروەردێ هاتە كرن .

دڤان رێ ورەسمان دا چەندين پەيڤ هاتنە خاندن ولدويڤدا قوتابى ژلايێ ئامادەبويان ڤە هاتنە خەلاتكرن .

هەر دچارچوڤێ سەرەدانا خودا بو قەزا شێخان رێڤەبەرێ گشتى يێ پەروەردێ ودگەل دا رێڤەبەرێ پەروەردا قەزا شێخان وشاندێ دگەل دا سەرا لقێ 20 پارتى دا وهاتنە پێشوازيكرن ژلايێ محمود محمود ئێزدى بەرپرسێ لقێ 20 شێخان وژمارەكا كارگێر وئەندامێن لقێ .

دروينشتنەكێدا بەحسێ پروسا پەروەردێ ل پارێزگەها دهوكێ ب گشتى ول قەزا شێخان ب تايبەتى كر .