دخیڤه‌تگه‌ها دیده‌ڤانى یا په‌روه‌ردێن پارێزگه‌هێ دا كچ و كورێن په‌روه‌ردا دهوك روژهه‌لات رێزێن ئێكێ و دووێ بده‌سڤه‌ئینان

    به‌لاڤكرن: په‌روه‌ردا دهۆك روژهه‌لات
    21 ئاب 2019

دخیڤه‌تگه‌ها دیده‌ڤانى یا په‌روه‌ردێن پارێزگه‌هێ دا كچ و كورێن په‌روه‌ردا دهوك روژهه‌لات رێزێن ئێكێ و دووێ بده‌سڤه‌ئینان


كچ و كورێن  په‌روه‌ردا دهۆك رۆژهه‌لات ل رێزێن ئێكێ و دووێ دهه‌ڤده‌مین خیڤه‌تگه‌ها دیده‌ڤانى لسه‌ر ئاستێ په‌روه‌ردێن پارێزگه‌ها دهۆك بده‌سڤه‌ ئینان ئه‌وا ل ژێر چاڤدێریا فرهاد امین پارێزگه‌هى دهوكێ ب هه‌ڤكارى دگه‌ل رێكخروا یونسێف ل سه‌یرانگه‌ها زاویته‌ هاتیه‌ ئه‌نجامدان ،  سه‌ركردایه‌تیا خیڤه‌تگه‌هێ دماوێ ( 10 ) روژان دا به‌رنامه‌كێ تیروته‌سه‌ل دانابوو وه‌كو وه‌رزشا سپێدێ و بلندكرنا ئالایێ كوردستانێ و پشكنین ، دیسان گرێدانا هنده‌ك سمینارێن جوره‌ و جور یێن ره‌وشه‌نبیریا گشتى و جڤاكى و رێ پیڤان بو ناڤ سروشتێ ده‌ڤه‌رێ ژبلى بابه‌تێن پراكتیكى یێن گرێداى  ب بزاڤا دیده‌ڤانى ڤه‌ و ئاهه‌نگێن شه‌ڤێ ، مه‌ره‌م ژڤێ خیڤه‌تگه‌هێ ژى ئه‌وبوو قوتابى پشت به‌ستنێ لسه‌ر خو بكه‌ت وفێرى ژیانا ژده‌رڤه‌ بیت وه كو دروستكرنا خارنێ  و سه‌روبه‌ركرنا جلوبه‌رگێن خو و راكرن ودانانا خیڤه‌تگه‌هێ و چێكرنا گرێكان و كارێن ده‌ستى و ئاگرێن دیده‌ڤانى  ومفا وه‌رگرتن ژنیشانێن دیده‌ڤانى    

بو زانین ( ١٠ ) په‌روه‌رده‌یان ئه‌وژى دهوك روژ هه‌لات و دهوك روژ ئاڤا و زاخو و ئامێدیێ  و شنگال و تلكێف و شێخان و ئاكرێ و به‌رده‌ره‌ش وسێمێل  پشكدارى دڤێ خێڤه‌تگه‌هێ دا كربوو ئه‌وا لدویڤ به‌رنامێ سالانه‌ یێ رێڤه‌به‌ریا چالاكیێن وه‌رزشى و دیده‌ڤانى ل په‌روه‌ردا گشتیا پارێزگه‌ها دهوكێ  هاتیه‌ رێكخستن