كۆمبوونه‌ك ل گه‌ل رێڤه‌به‌رێن بنگه‌هێن ئه‌زموونێن خولا دوویێ‌ هاته‌ كرن

    به‌لاڤكرن: په‌روه‌ردا دهۆك روژئاڤا
    18 ئاب 2019


عومه‌ر ئه‌حمه‌د قاسم رێڤه‌به‌رێ په‌روه‌رده‌یا رۆژئاڤا ئه‌ڤرۆ 18/8/2019 ب به‌رهه‌ڤبوونا عوسمان سلێمان سه‌رپه‌رشتیارێ‌ ئێكێ‌، و محه‌مه‌د خدر سه‌رپه‌رشتیارێ‌ كارگێری كۆمبوونه‌ك ل گه‌ل رێڤه‌به‌رێن بنگه‌هێن ئه‌زموونێن 12 ئاماده‌یی یێن خولا دویێ‌ یێن سالا خواندنێ‌ 2018/2019، و یێن نیشتیمانی یێن نه‌هێ‌ بنه‌ره‌ت ئه‌نجامدا.
ل ده‌ستپێكێ‌ رێڤه‌به‌رێ په‌روه‌ردێ‌ په‌یڤه‌ك بۆ به‌رهه‌ڤبوویان پێشكێشكر و رۆناهی به‌ردا  سه‌ر بڕیار و رێنمایێن وه‌زاره‌تا په‌روه‌ردا حوكمه‌تا هه‌رێما كوردستانێ‌ و دوپاتی ل رێڤه‌به‌رێن بنگه‌هێن ئه‌زموونان كر كو وان رێنمایان په‌یره‌و بكه‌ن و ل دووڤ وان رێنمایان سه‌ره‌ده‌ریێ‌ ل گه‌ل هه‌ر روودان و پێشهاته‌كێ‌ بكه‌ن، ل دووڤ دا هه‌ر ئێك ژ سه‌رپه‌رشتیاران ئوسمان سلێمان و محه‌مه‌د خدر چه‌ند تێبینی و رۆهنكرنێن گرنگ بۆ به‌رهه‌ڤبوویان دیاركرن.