‏‎رێڤه‌به‌را په‌روه‌ردا دهۆك رۆژهه‌لات ل گه‌ل رێڤه‌به‌رێن بنگه‌هێن ئه‌زموونان كومبوو

    به‌لاڤكرن: په‌روه‌ردا دهۆك روژهه‌لات
    18 ئاب 2019

‏‎رێڤه‌به‌را په‌روه‌ردا دهۆك رۆژهه‌لات ل گه‌ل رێڤه‌به‌رێن بنگه‌هێن ئه‌زموونان كومبوو


ئه‌ڤرۆ سپێدێ رێکه‌فتی  18/8/2019 فادیه عبدالقهار محمد رێڤه‌به‌را په‌روه‌رده‌يا دهۆك رۆژهه‌لات ب به‌رهه‌ڤبوونا محمد حمدی سه‌رپه‌رشتێ ئێكێ ب وه‌كاله‌ت و نزار عه‌لى به‌رپرسێ ئه‌زموونان ، ل هۆلا رێڤه‌به‌ريا په‌روه‌ردێ كۆمبوونه‌ك ل گه‌ل رێڤه‌به‌رێن بنگه‌هێن ئه‌زموونێن گشتی قوناغا 12 ێ ئاماده‌یی و نیشتیمانی قوناغا 9 ێ بنه‌ره‌ت ل سنۆرێ په‌روه‌ردێ سازكر.

‏ ل ده‌ستپێكێ رێڤه‌به‌را په‌روه‌ردا رۆژهه‌لات سۆپاسی و ده‌ستخۆشی ئاراسته‌یی هه‌موو رێڤه‌به‌ر و هاریکار و مامۆستایێن هێژا کر و روولێ وان به‌رز نرخاند كۆ هه‌رده‌م د هاریكار و هه‌ڤكاربووینه‌ دگه‌ل په‌روه‌ردێ و پاشان چه‌ندین رێنمایێن ئه‌زموونان پێشكێشی ئاماده‌بوویان كر و رۆناهی ئێخسته‌ سه‌ر هنده‌ك خالێن گرنگ و خو ئاماده‌كرن بۆ چاوانیا ئه‌نجامدانا پرۆسا ئه‌زموونا و بیرئینانا رێنمایێن وه‌زاره‌تا په‌روه‌ردێ و دا دياركرن كۆ ئه‌زموون ئه‌مانه‌ته‌کێ مه‌زنه‌ و گوت ژی هه‌مى ئاماده‌كارى وكارێ پێدڤى بو سه‌رئێخستنا پروسا ئه‌زموونان هاتيه‌ ئه‌نجام دان . لدۆماهیێ سه‌رپه‌رشتێ ئێکێ و به‌رپرسێ ئه‌زموونان ل سه‌ر پرۆسێسا ئه‌زموونێن گشتی و نیشتیمانى چه‌ندین رێنمایێن تایبه‌ت پێشكێشی رێڤه‌به‌رێن بنگه‌هێن ئه‌زموونان كرن و پاشی ده‌رگه‌هێ دانوستاندنێ هاته‌ ڤه‌كرن و كه‌لوپه‌لێن ئه‌زموونان ل سه‌ر رێڤه‌به‌رێن بنگه‌هان هاتنه‌ 

پارڤه‌کرن.

هه‌ژی گۆتنێ یه‌ روژا سێشەمبى رێكه‌فتى 20/8/2019  ئه‌زموونێن گشتى يێن قوناغا 12 ێ ئامادەيى و نیشتیمانی قوناغا 9 ێ خولا دویێ سالا خواندنێ 2018/2019  دێ هێنه‌ ئه‌نجامدان.

ل سنورێ په‌روه‌ردا دهۆک رۆژهه‌لات قوتابيێن قوناغا 12 ێ ئاماده‌يى ب هه‌ردوو به‌شێن خوڤه‌ لسه‌ر (50) بنگه‌هان هاتينه‌ دابه‌شكرن و ب پشكداريا (2815) قوتابیان ، قوتابیێن قوناغا 9 ێ بنه‌ره‌تی لسه‌ر (39) بنگه‌هان هاتینه‌ دابه‌شکرن و ب پشکداریا (3159) قوتابیان.