رێڤه‌به‌رێ گشتى يێ په‌روه‌ردێ "نه‌خشه‌ ڕێ وپلان ودويڤ چونا به‌رده‌وام ئه‌نجامێن ئه‌رينى وباش لدويف خو دهێليت "

    به‌لاڤكرن: رێڤه‌به‌ریا گشتى یا په‌روه‌ردا پارێزگه‌ها دهوك
    01 ته‌مموز 2019

ئه‌ڤرو به‌رى نيڤرو رێكه‌فتى 1/7/2019 رێزدار عمر على تاها رێڤه‌به‌رێ گشتى يێ په‌روه‌ردێ ل پارێزگه‌ها دهوكێ سه‌رپه‌رشتيا كومبونا ئاسايى دگه‌ل رێڤه‌به‌رێن په‌روه‌ردێن قه‌زا كر .

دكومبونێ دا وب ئاماده‌بونا هه‌ردوو هاريكارێن رێڤه‌به‌رێ گشتى و رێڤه‌به‌رێ سه‌رپه‌رشتيا په‌روه‌رده‌يى ل پارێزگه‌هێ وهه‌مى رێڤه‌به‌رێن په‌روه‌ردێن قه‌زا سه‌ر ب رێڤه‌به‌ريا گشتى يا په‌روه‌ىردێ ل پارێزگه‌ها دهوكێ ، به‌رێز رێڤه‌به‌رێ گشتى يێ په‌روه‌ردێ ل پارێزگه‌ها دهوكێ وپشتى ئه‌نجامێن ئه‌زموونێن گشتى يێن قوناغا 12 ئاماده‌يى وئه‌زموونێن نيشتيمانى يێن قوناغا 9 بنه‌ره‌تى هاتينه‌ راگه‌هاندن ده‌ست خوشى ل هه‌مى رێڤه‌به‌رێن په‌روه‌ردێن قه‌زا وب رێكا وان ل هه‌مى ستافێ په‌روه‌ردێ ژ ( رێڤه‌به‌رێن قوتابخانا – سه‌رپه‌رشتيار – ماموستا – فه‌رمانبه‌ر ) بو سه‌رئێخستنا پروسا ئه‌زموونان ودا ديار كرن كو لدويف ئه‌و به‌رنامێ هاتيه‌ دارێژتن كاره‌كێ باش هاته‌ ئه‌نجام دان وئه‌نجامێن دوماهيێ به‌راوردێ دگه‌ل سالێن بورى تا راده‌ييه‌كى دباش بون وهه‌مى بزاڤ دێ هێنه‌ كرن كو سال لدويف سالێ ئه‌نجام وئاستێ زانستى به‌ره‌ف باشتر بچيت .

ديسان دكومبونێ دا به‌رێز رێڤه‌به‌رێ گشتى يێ په‌روه‌ردێ گوت "نه‌خشه‌ ڕێ وپلان ودويڤ چونا به‌رده‌وام ئه‌نجامێن ئه‌رينى وباش لدويف خو دهێليت " وبو سالا نوى يا خواندنێ 2019/2020 دێ به‌رنامه‌كێ به‌رفره‌هتر و نه‌خشه‌ ڕييه‌كا رون وئاشكرا وپلانه‌كا ستراتيجى بو بلندكرنا ئاستێ زانستى وبده‌ستڤه‌ ئينانا ئه‌نجامێن باشتر دێ كاره‌كێ رژد هێته‌ ئه‌نجام دان .

هه‌ر دكومبونێ دا چه‌ندين پرسێن گرێداى ئه‌زموونان دان وستاندن لسه‌ر هاته‌ كرن .