رێڤه‌به‌رێ گشتى يێ په‌روه‌ردێ "گه‌شه‌پێدان وپێشئێخستنا شيانێن ماموستا ژ ئه‌وله‌وياتێن كارێ مه‌ يه‌ "

    به‌لاڤكرن: رێڤه‌به‌ریا گشتى یا په‌روه‌ردا پارێزگه‌ها دهوك
    01 ته‌مموز 2019

ئه‌ڤرو سپێدێ رێكه‌فتى 1/7/2019 رێزدار عمر على تاها رێڤه‌به‌رێ گشتى يێ په‌روه‌ردێ ل پارێزگه‌ها دهوكێ ودگه‌ل دا سامان مسته‌فا هاريكارێ رێڤه‌به‌رێ گشتى بو كاروبارێن ته‌كنيكى وژبو نێزيك ئاگه‌هداربون ب ره‌وشا خولێن ( هويێن فێركرنێ – پشته‌ڤانيا ده‌رونى كومه‌لايه‌تى يا زاروكان ل ناڤ وده‌رڤه‌ى قوتابخانێ ) كو ژلايێ رێكخراوا يونێسێف ڤه‌ هاتينه‌ ڤه‌كرن بو 400 ماموستايێن سنورێ پارێزگه‌ها دهوكێ سه‌را رێڤه‌به‌ريا مه‌شق وراهێنانێ دان .

دڤێ سه‌ره‌دانێ دا به‌رێز رێڤه‌به‌رێ گشتى يێ په‌روه‌ردێ دا ديار كرن كو لدويف به‌رنامه‌ وپلانا دووم درێژا په‌روه‌ردێ گرنگى دان ب لايه‌نێ مه‌شق كرنا ماموستايان هه‌ر ئێك لدويف تايبه‌تمه‌ندى وبسپوريا وى دێ به‌رده‌وام خول هێنه‌ ڤه‌كرن ، ديسان به‌رێز عمر على تاها رێڤه‌به‌رێ گشتى يێ په‌روه‌ردێ گوت "گه‌شه‌پێدان وپێشئێخستنا شيانێن ماموستا ژ ئه‌وله‌وياتێن كارێ مه‌ يه‌ " وسوپاسيا رێكخراوا يونێسێف كر بو پشته‌ڤانيا وان يا به‌رده‌وام بو په‌روه‌ردێ .