ئه‌نجام هاتنه‌ راگه‌هاندن وقوتابيێن پارێزگه‌ها دهوكێ دليستا ئێكه‌مێن لسه‌ر ئاستێ كوردستانێ دووه‌م بوون

    به‌لاڤكرن: په‌روه‌ردا دهۆك روژهه‌لات
    24 حوزه‌یران 2019

ئه‌نجام هاتنه‌ راگه‌هاندن وقوتابيێن پارێزگه‌ها دهوكێ دليستا ئێكه‌مێن لسه‌ر ئاستێ كوردستانێ دووه‌م بوون


   دوهى ئه‌نجامێن دوماهيێ يێن ئه‌زموونێن گشتى قوناغا 12 ئاماده‌يى سالا خواندنێ 2018/2019 خولا ئێكێ ل هوتێلا ديده‌مان ل هه‌ولێرا پايته‌خت وب ئاماده‌بونا به‌رێزان (د. پشتيوان صادق ) وه‌زيرێ په‌روه‌ردێ و رێڤه‌به‌رێن گشتى يێن په‌روه‌ردێ ل هه‌رێما كوردستانێ ورێڤه‌به‌رێ گشتى ئه‌زموونان ل ديوانا وه‌زاره‌تا په‌روه‌ردێ ودكونگره‌كێ روژنامه‌ڤانى دا هاتنه‌ راگه‌هاندن .

قوتابيێن پارێزگه‌ها دهوكێ دليستا ئێكه‌مێن لسه‌ر ئاستى كوردستانێ ل قوناغا ێ ئاماده‌یی ب هه‌ردوو به‌شێن خوڤه‌ ( زانستی و وێژه‌یی )دووه‌م بوون .

مامۆستا وقوتابيان سالا خواندنێ ب ئارامى ئه‌ڤ پروسا گرنك ده‌ربازكر .

د کونگره‌کێ رۆژنامه‌ڤانی دا وه‌زیرێ په‌روه‌ردێ سوپاسیا هه‌مى لايه‌كى کر كو هه‌ڤكار بون بو سه‌ركه‌فتنا ڤێ پروسێ وهيڤى يا سه‌ركه‌فتنێ وپاشه‌روژه‌كا گه‌ش بو قوتابيان خواست ، گوت ژی مانديبونا مه‌ هه‌ميان ڤێكرا ئه‌نجام و رێژێن باش ژ سالا بووری به‌رهه‌م ئينان ، قوتابيێن پارێزگه‌ها دهوكێ دليستا ئێكه‌مێن لسه‌ر ئاستێ كوردستانێ دووه‌م بوون ،د قوناغا ئاماده‌يى دا پشكا زانستی ب ناڤێ ( هه‌ژی به‌نگین تاهر) ل کۆلیژا دهۆک یا به‌هره‌داران ل قه‌زا دهۆک رۆژهه‌لات ب رێژا ( 99.14) يێ دووێ لسه‌ر ئاستێ كوردستانێ ده‌رچوو وقوتابى (هدیه‌ به‌درخان سعید) يا دووێ لسه‌ر ئاستێ كوردستانێ ده‌رچوو ب رێژا (96.86) پشكا وێژه‌يى لسه‌ر ئاستێ كوردستانێ ل ئاماده‌یا به‌رده‌ره‌ش ل سنورێ په‌روه‌ردا قه‌زا به‌رده‌ره‌ش .


ب ناڤێ رێڤه‌به‌ريا گشتى يا په‌روه‌ردێ ل پارێزگه‌ها دهوكێ پيروزباهيێ ل قوتابيێن سه‌ركه‌فتى لسه‌ر ئاستێ کوردستانێ و پارێزگه‌ها دهوكێ دكه‌ين وداخوازا سه‌ركه‌فتنێ وپاشه‌روژه‌كا گه‌ش بو گشت قوتابيان دخوازين .

سوپاس بو هه‌ر لايه‌نه‌كى كو پشته‌ڤان وهڤكار بويه‌ .

سوپاسيا سه‌رپه‌رشتيار ورێڤه‌به‌ر وماموستا ودايك وباب وسه‌ميانێن قوتابيان وهه‌مى به‌رپرسێن په‌روه‌ردێ دكه‌ين .