گه‌را ئێكێ یا قوتابیێن قوتابخانا سه‌رده‌م باوه‌رنامێن خو یێن ده‌رچونێ وه‌رگرتن

    به‌لاڤكرن: په‌روه‌ردا دهۆك روژهه‌لات
    20 حوزه‌یران 2019

گه‌را ئێكێ یا قوتابیێن قوتابخانا سه‌رده‌م باوه‌رنامێن خو یێن ده‌رچونێ  وه‌رگرتن


ئێڤاريا  19/6/2019  ل هولا كونفرانسان  ب ئاماده‌بونا به‌رێزان فه‌رهاد ئه‌مین ئه‌تروشى پارێزگه‌رێ دهوكێ وبه‌هزاد على ئاده‌م جێگرێ پارێزگه‌رى واسماعیل محمد احمد هاریكارێ پارێزگه‌رى بو كاروبارێن ئاواره‌ وپه‌نابه‌ران وعمر على تاها رێڤه‌به‌رێ گشتى یێ په‌روه‌ردێ وچه‌ند به‌رپرسێن ئیدارى وسه‌میانێن قوتابیان ئاهه‌نگا ده‌ه سالیێ وده‌رچونا گه‌را ئێكێ یا  قوتابیێن قوناغا 12ئاماده‌یى یا قوتابخانا سه‌رده‌م یا هه‌ڤپشك دناڤبه‌را وه‌زاره‌تا په‌روه‌دێ وكه‌رتێ تایبه‌ت دا هاته‌ ل دارخستن.

لبه‌راهیێ رێپیڤانا هه‌ر 17قوتابیێن ده‌رچویى هاته‌ سازكرن ، پاش په‌یڤا رێڤه‌به‌ریا قوتابخانێ  وقوتابیێن ده‌رچویى هاتنه‌ خاندن ل دوڤدا په‌یڤا رێڤه‌به‌ریا گشتى یا په‌روه‌ردێ ژلایێ بەرێز  عمر على ته‌ها رێڤەبەرێ گشتی یێ پەروەردا پارێزگەها دهوکێ هاته‌ خاندن تێدا پیروزباهیا قوتابیێن ده‌رچویى وسه‌میانێن قوتابیان كر وده‌ست خوشى ل ستافێ قوتابخانا ناڤبرى كر كو شیاینه‌ ژماره‌كا  قوتابیان ول دوڤ پیڤه‌رێن زانستى وپه‌روه‌رده‌یى یێن پێشكه‌فتى پێبگه‌هین وپشته‌ڤانیا په‌روه‌ردێ بو قوتابخانێ دوپاتكر.

پاش پارێزگه‌رێ دهوكێ دپه‌یڤه‌كێ دا بناڤێ رێزدار نێچیرڤان بارزانى سه‌روكێ هه‌رێما كوردستانێ وبناڤێ كارگێریا پارێزگه‌هێ پیروزباهیا قوتابیێن ده‌رچویى وسه‌میانێن قوتابیان كر وده‌ست خوشى ل رێڤه‌به‌ر وماموستا ول  ستافێ قوتابخانا ناڤبرى ورێڤه‌به‌ریا گشتى یا په‌روه‌ردێ كر كو شیاینه‌ ژماره‌كا قوتابیێن خودان شیان  پێبگه‌هین وسه‌ركه‌فتن بو هه‌موویان خواست كو ژنوكه‌ وێڤه‌ دێ ل قوناغا زانكویێ به‌رده‌وامیێ ده‌نه‌ خاندنا خو.

پارێزگه‌رێ دهوكێ ته‌كه‌زكر كو زانین وزانست ومه‌عیرفه‌ت زور دگرنگن بو پێشكه‌فتنا هه‌ر جڤاكه‌كى وژبه‌ر ڤێ چه‌ندێ هه‌موو كابینێن حكومه‌تا كوردستانێ گرنگی دایه‌ كه‌رتێ په‌روه‌ردێ وئه‌م ژى وه‌كو پارێزگه‌ها دهوكێ به‌رده‌وام پشته‌ڤانیا كه‌رتێ په‌روه‌ردێ دكه‌ین چونكو مه‌ باوه‌رى هه‌یه‌ كو ملله‌ت وجڤاك ب زانست وزانینێ پێشدكه‌ڤن.

پاش باوه‌رنامه‌ ل سه‌ر قوتابیێن ده‌رچویى هاتنه‌ به‌لافكرن.

هه‌ژى گوتنێ یه‌ ل سالا 2009ێ قوتابخانا سه‌رده‌م ل دهوكێ هاتیه‌ دامه‌زراندن وئه‌ڤرو گه‌را ئێكێ یا قوتابیان كو 17قوتابى بوون باوه‌رنامێن خو وه‌رگرتن.