یوبیلا زێرین یا پارێزگەهبونا دهوکێ ب کەرنەڤالەکێ مەزن هاتە ساخکرن

    به‌لاڤكرن: رێڤه‌به‌ریا گشتى یا په‌روه‌ردا پارێزگه‌ها دهوك
    12 حوزه‌یران 2019

ئەڤرو ئێڤاری و ب پشکداریا رێڤه‌به‌رێ گشتی یێ په‌روه‌ردێ و هاریکارێن رێڤه‌به‌رێ گشتی بۆ کارۆبارێن ته‌کنیکی و کارگێریو ژمارەکا رێڤەبەرێن پەروەردێن قەزا ، رێڤه‌به‌ریا گشتی یا په‌روه‌ردا پارێزگه‌ها دهۆکێ پشكداریه‌کا به‌رچاڤ د كه‌رنه‌ڤالا پارێزگه‌هبوونا دهۆكێ دا کر

په‌روه‌ردێ روله‌كێ گرنگ دژيانا كومه‌لگه‌هـ وجڤاكان دا هه‌يه‌ ، ئه‌و ستوينا پێشڤه‌چوون وئاڤه‌دانى وپێشكه‌فتنێ يه‌ وئامرازه‌كێ سه‌ره‌كيه‌ ژئامرازێن مان وبه‌رده‌وام بوونێ ، په‌روه‌رده‌ پێدڤى ييه‌كا كومه‌لايه‌تى يا گرنگه‌ بو بده‌ستڤه‌ئينانا پێدڤيێن جڤاكى وگرنگى دانێ پێ ، ديسان په‌روه‌رده‌ پێدڤى ييه‌كا سه‌ره‌كيه‌ بو هه‌ر تاكه‌ كه‌سه‌كى چونكه‌ كه‌سايه‌تى وشيان وره‌وشنبيريا وى لسه‌ر بنياتێن زانستى وئه‌كاديمى ئاڤادكه‌ت .

ل ڤى باژێرى وبه‌رى ببيته‌ پارێزگەهـ ل 27 چريا دووێ يا سالا 1927 ئيكه‌مين قوتابخانه‌ بناڤێ (المدرسه‌ الملوكيه‌ الاميريه‌ ) هاتيه‌ ڤه‌كرن لدويف دا ل سالا 1951-1952 قوتابخانا ( مدرسه‌ دهوك للبنين ) هاتيه‌ ئاڤاكرن ولدويف دا ناڤێ وێ بويه‌ قوتابخانا( صلاح الدين ) ئه‌و ئاڤاهيێ نها ناڤ پاركا نه‌وروز .

ب دامه‌زراندنا پارێزگه‌ها دهوكێ ل 27 گولانا سالا 1969 ، رێڤه‌به‌ريا په‌روه‌ردا پارێزگه‌ها دهوكێ ل كانونا دووێ سالا 1970 هاته‌ دامه‌زراندن .

رێڤه‌به‌ريا گشتى يا په‌روه‌ردێ ل پارێزگه‌ها دهوكێ ژ ( 10 ) رێڤه‌به‌ريێن په‌روه‌ردێن قه‌زا پێك دهێت زێده‌بارى (10) رێڤه‌به‌ه‌ريێن دى سه‌ر ب كوچكا رێڤه‌به‌ريا گشتى ڤه‌ .

36000 هزار ماموستا وفه‌رمانبه‌ر هه‌نه‌، 320 سه‌رپه‌رشتيارێن بسپورى وپه‌روه‌رده‌ى ل هه‌ردوو قوناغا ئاماده‌يى وبنه‌ره‌تى ، نێزيكى 500.000 نيڤ مليون قوتابى ل 1648 قوتابخانا ل هه‌مى قوناغێن خواندنێ