ئه‌زموونێن نیشتیمانی ل سه‌رانسه‌ری هه‌رێما کوردستانێ ده‌ستپێكرن

    به‌لاڤكرن: په‌روه‌ردا دهۆك روژهه‌لات
    27 گولان 2019

ئه‌زموونێن نیشتیمانی ل سه‌رانسه‌ری هه‌رێما کوردستانێ ده‌ستپێكرن


ئه‌ڤرۆ رێكه‌فتی 27/5/2019 و ل ده‌م ژمێر (08:30) سپێدێ ل سه‌رانسه‌ری هه‌رێما كوردستانێ ئه‌زموونێن نیشتیمانی یێن پۆلا نه‌هێ‌ بنه‌ره‌ت خولا ئێكێ سالا خواندنێ 2018/2019 ده‌ستپێكرن .

ژبو دویڤچونا ره‌وشا ئه‌زموونان ل سنورێ په‌روه‌ردا قه‌زا دهۆک رۆژهه‌لات، فادیه‌ عبدالقهار محمد رێڤه‌به‌را‌ په‌روه‌ردا دهۆك رۆژهه‌لات و نصرالدین له‌زگین سه‌رپه‌رشتێ ئێکێ ب وه‌کاله‌ت سه‌را بنگه‌هێن ئه‌زموونان ل قوتابخانێن جه‌گه‌رخوین و ئارارات و پێشره‌ر و ئه‌که‌د و بزاڤ و چریسک ل سنوورێ‌ په‌روه‌ردێ دان وژنێزیك ئاگه‌هداری ره‌وشا ئه‌زموونان بوون.

دڤان سه‌ره‌دانا دا رێڤه‌به‌را په‌روه‌ردێ ده‌ست خوشى ل رێڤه‌به‌ر و هاریکار و چاڤدێرێن ئه‌زموونان كر و داخوازا سه‌ركه‌فتنێ بو قوتابيان خواست .

قوتابیێن قوناغا بنه‌ره‌تی لسه‌ر (72) بنگه‌هان هاتینه‌ دابه‌شکرن و ب پشکداریا (5122) قوتابیان

هه‌ژی گوتنێ‌ یه‌ رێڤه‌به‌ریا په‌روه‌ردا رۆژهه‌لات هه‌می پێدڤیێن ئه‌زموونان بو هه‌می وان بنگه‌هێَن هاتینه‌ ده‌ست نیشانكرن لسنورێ په‌روه‌ردا دهۆك رۆژهه‌لات ئاماده‌كرینه داكو قوتابى دكه‌ش وسه‌قايه‌كێ ئارام دا پروسا ئه‌زموونان ده‌رباز بكه‌ن‌ .