كۆمبوونه‌ك ل گه‌ل رێڤه‌به‌ر و هاریكارێن بنگه‌هێن ئه‌زموونان هاته‌ ئه‌نجامدان

    به‌لاڤكرن: په‌روه‌ردا دهۆك روژئاڤا
    23 گولان 2019


عومه‌ر ئه‌حمه‌د قاسم رێڤه‌به‌رێ په‌روه‌رده‌یا رۆژئاڤا ئه‌ڤرۆ 23/5/2019 ب به‌رهه‌ڤبوونا عوسمان سلێمان سه‌رپه‌رشتیارێ‌ ئێكێ‌، و محه‌مه‌د خدر سه‌رپه‌رشتیارێ‌ كارگێری و هژماره‌كا سه‌رپه‌رشتیاران كۆمبوونه‌ك ل گه‌ل رێڤه‌به‌ر و هاریكارێن بنگه‌هێن ئه‌زموونێن 12 ئاماده‌یی یێن خولا ئێكێ‌ یێن سالا خواندنێ‌ 2018/2019، و یێن نیشتیمانی یێن نه‌هێ‌ بنه‌ره‌ت ئه‌نجامدا.
ل به‌راهیێ‌ رێڤه‌به‌رێ په‌روه‌ردێ‌ په‌یڤه‌ك بۆ به‌رهه‌ڤبوویان پێشكێشكر و رۆناهی به‌ردا  سه‌ر بڕیار و رێنمایێن وه‌زاره‌تا په‌روه‌ردا حوكمه‌تا هه‌رێما كوردستانێ‌ ل دۆر ئه‌زموونان و دوپاتی ل رێڤه‌به‌رێن بنگه‌هێن ئه‌زموونان كر كو وان رێنمایان په‌یره‌و بكه‌ن و ل دووڤ وان رێنمایان سه‌ره‌ده‌ریێ‌ ل گه‌ل هه‌ر روودان و پێشهاته‌كێ‌ بكه‌ن و هیڤیا سه‌ركه‌فتنێ‌ بۆ هه‌موو لایه‌كی خواست.
ل دووڤ دا سه‌رپه‌رشتیارێ‌ كارگێری محه‌مه‌د خدر ب هووری بۆ به‌رهه‌ڤبوویان به‌حسێ‌ برێڤه‌برنا پرۆسا ئه‌زموونان كر و ل دووماهیێ‌ ده‌رگه‌هێ‌ دانوستاندنێ‌ هاته‌ ڤه‌كرن.