هه‌مى ئاماده‌كارى هاتينه‌ كرن وكارێ پێدڤى بو سه‌رئێخستنا پروسا ئه‌زموونان هاتينه‌ ئه‌نجام دان

    به‌لاڤكرن: رێڤه‌به‌ریا گشتى یا په‌روه‌ردا پارێزگه‌ها دهوك
    23 گولان 2019

ئه‌ڤرو پشتى نيڤرو رێكه‌فتى23/5/2019 رێزدار عمرعلي تاها رێڤه‌به‌رێ گشتى يێ په‌روه‌ردێ ل پارێزگه‌ها دهوكێ سه‌رپه‌رشتيا كومبونه‌كا ئاسايى يا تايبه‌ت ب ئه‌زموونێن گشتى ونيشتيمانى قوناغێن(12) ئاماده‌يى و ( 9) ێ بنه‌ره‌تى ل كوچكا رێڤه‌به‌ريا گشتى ێا په‌روه‌ردێ كر .

دكومبونێ دا ب ئاماده‌بونا هاريكارێ رێڤەبەرێ گشتى بو كاروبارێن تەكنيكى و هه‌مى رێڤه‌به‌رێن په‌روه‌ردێن قه‌زا ورێڤه‌به‌رێ سه‌رپه‌رشتيا په‌روه‌رده‌ى ل پارێزگه‌ها دهوكێ وڕيڤه‌به‌رێن ته‌كنيكى وئه‌زموونان ل كوچكا په‌روه‌ردا گشتى دان وستاندن لسه‌ر چه‌ندين ته‌وه‌ر ورێنمايێن تايبه‌ت ب ئه‌زموونان ڤه‌ هاتنه‌ كرن .

به‌رێز رێڤه‌به‌رێ گشتى يێ په‌روه‌ردێ دكومبونێ دا دا دياركرن كو ئه‌زموون پيروزترين پروسه‌يه‌ وهه‌ر كه‌سێ پێشێل بكه‌ت دێ پێرابونێن توند دگه‌ل هێنه‌ كرن.

هه‌روه‌سا دكومبونێ دا به‌رێز رێڤه‌به‌رێ گشتى گوت : هه‌مى ئاماده‌كارى هاتينه‌ كرن وكارێ پێدڤى بو سه‌رئێخستنا پروسا ئه‌زموونان هاتينه‌ ئه‌نجام دان 

هه‌ژى گوتنێ يه‌ روژا ئێك شەمبى رێكه‌فتى 26/5/2019 ئه‌زموونێن گشتى يێن قوناغا 12 ئامادەيى خولا ئێكێ سالا خواندنێ 2018/2019 هێنە كرن و 31652 قوتابى دێ پشكداريێ دڤان ئەزموونان دا كەن وهاتينە دابەشكرن لسەر 594 بنگەهان ل سەرانسەرى پارێزگەها دهوكێ ول روژا دووشەمبى رێكەفتى 27/5/2019 دێ ئەزموونێن نيشتيمانى يێن قوناغا (9) بنه‌ره‌تى خولا ئێكێ سالا خواندنێ 2018/2019 هێنە كرن و 33276 قوتابى د پشكدار بن دڤان ئه‌زموونێن نيشتيمانى دا كو ل سه‌ر (506) بنگه‌هان ل سه‌رانسه‌رى پارێزگه‌ها دهوكێ هاتينه‌ به‌لاڤكرن .