‏‎رێڤه‌به‌را په‌روه‌ردا دهۆك رۆژهه‌لات ل گه‌ل رێڤه‌به‌ر و هاریکارێن قوتابخانێن بنه‌ره‌ت و ئاماده‌یی كومبوو

    به‌لاڤكرن: په‌روه‌ردا دهۆك روژهه‌لات
    19 گولان 2019

‏‎رێڤه‌به‌را په‌روه‌ردا دهۆك رۆژهه‌لات ل گه‌ل رێڤه‌به‌ر و هاریکارێن قوتابخانێن بنه‌ره‌ت و ئاماده‌یی كومبوو


ئه‌ڤرۆ سپێدێ  19/5/2019 فادیه عبدالقهار محمد رێڤه‌به‌را په‌روه‌رده‌يا دهۆك رۆژهه‌لات ب به‌رهه‌ڤبوونا نصرالدين له‌زگين سه‌رپه‌رشتێ ئێكێ ب وه‌كاله‌ت و سه‌رپه‌رشتیارێن په‌روه‌رده‌یی و نزار عه‌لى به‌رپرسێ ئه‌زموونان ، ل هۆلا رێڤه‌به‌ريا په‌روه‌ردێ كۆمبوونه‌ك ل گه‌ل رێڤه‌به‌ر و هاریکارێن هه‌موو قوتابخانێن بنه‌ره‌ت و ئاماده‌یی ل سنۆرێ په‌روه‌ردێ سازكر.

‏‎د كۆمبوونێ دا رێڤه‌به‌را په‌روه‌ردا رۆژهه‌لات ده‌ستخۆشى ل هه‌موو رێڤه‌به‌ر و هاریکار و مامۆستايێن سنورێ په‌روه‌ردێ كرن بۆ هاريكارى و پشته‌ڤانيا به‌رده‌وام يا په‌روه‌ردێ .

‏‎لدۆیڤ دا به‌حسى گرنگترین خاڵ و رێنما و بریارێن گرێدایی ئه‌زموونێن گشتی و نیشتمانی كر و دا دياركرن كۆ ئه‌زموون ئه‌مانه‌ته‌کێ مه‌زنه‌ د ستۆیێ هه‌موو به‌رپرسێن په‌روه‌ردێ دا .

د کومبوونێ دا دووماهی بڕیار و رێنمایێن تایبه‌ت ب ئه‌زموونان ڤه‌ و چاوانیا پرکرنا په‌رێ سومایێ بۆ قوتابیان ژ لایێ‌ به‌رپرسێ ئه‌زموونان و مامۆستا شڤان ڤه‌ بۆ به‌رهه‌ڤبوویان ب تێروته‌سه‌لی هاتنه‌ رۆهنكرن و پاشی ده‌رگه‌هێ‌ دانوستاندنێ‌ بۆ رێڤه‌به‌ر و هاریكارێن قوتابخانان هاته‌ ڤه‌كرن.