رێڤه‌به‌رێ گشتى يێ په‌روه‌ردێ ل پارێزگه‌ها دهوكێ هایداری رەوشا ئەزموونان ل قەزا شێخان دبیت

    به‌لاڤكرن: رێڤه‌به‌ریا گشتى یا په‌روه‌ردا پارێزگه‌ها دهوك
    12 گولان 2019

ئه‌ڤرو رۆژا ئێك شەمبی رێكه‌فتى 12/5/2019 ژبو دويڤ چونا ره‌وشا ئه‌زموونان رێزدار عمر على تاها رێڤه‌به‌رێ گشتى يێ په‌روه‌ردێ ل پارێزگه‌ها دهوكێ ودگه‌ل دا بەرێزان اسعد محی الدین رێڤه‌به‌رێ په‌روه‌ردا قه‌زا شێخان و نزار حسین سەرپەرشتیارێ ئێكێ سه‌ره‌دانا چه‌ندين هولێن ئه‌زموونان ل قوتابخانێن ( پێكڤەژیان ، كانی مەهركا ، ئامادەیا هەژەند ، ئامادەیا ئاماد ، خوراگر ) كرن وژنێزيك ئاگه‌هدارى ره‌وشا ئه‌نجامدانا ئه‌زموونان بون . 

دڤان سه‌ره‌دانا دا رێزدار رێڤه‌به‌رێ گشتى يێ په‌روه‌ردێ ده‌ست خوشى ل كارگێرى ومامۆستايێن قوتابخانا كر و داخوازا سه‌ركه‌فتنێ بو قوتابيان خواست . 

هه‌ژى ئاماژه‌ دانێ يه‌ رێڤه‌به‌ريا گشتى يا په‌روه‌ردێ گرنگى يه‌كا مه‌زن دايه‌ پروسا ئه‌زموونان وپێش وه‌خت ولدويف پلانا ستراتيژى به‌رهه‌ڤى وئاماده‌كارى ب رێكا هه‌ر ده‌هـ په‌روه‌ردێن قه‌زا سه‌ر ب رێڤه‌به‌ريا گشتى يا په‌روه‌ردێ ڤه‌ هه‌مى پێدڤيێن ئه‌زموونان دابين كرينه‌ داكو قوتابى دكه‌ش وسه‌قايه‌كێ ئارام دا پروسا ئه‌زموونان ده‌رباز بكه‌ن .

بۆ زانین ل سه‌رانسه‌رى هه‌رێما كوردستانێ ل قوناغا چوارێ بنه‌ره‌تى بۆ يازدێ ئاماده‌يى ئه‌زموونێن دوماهيا وه‌رزێ دووێ خۆلا ئێكێ سالا خواندنێ 2018/2019 هاتنه‌ كرن ول پارێزگه‌ها دهوكێ نێزيكى ( 400.000 ) هزار قوتابى پشكداريێ دڤان ئه‌زموونان دا كرن .