شانده‌كێ ئاست بلندێ په‌روه‌ردێ سه‌را زانكويا دهوك دا

    به‌لاڤكرن: په‌روه‌ردا دهۆك روژهه‌لات
    12 گولان 2019

شانده‌كێ ئاست بلندێ په‌روه‌ردێ  سه‌را زانكويا دهوك دا


ئه‌ڤرو بەری نیڤرو رێكه‌فتى 12/5/2019 شانده‌كێ ئاست بلندێ په‌روه‌ردێ ب سه‌روكاتيا به‌رێز عمر على تاها رێڤه‌به‌رێ گشتى يێ په‌روه‌ردێ ل پارێزگه‌ها دهوكێ وب مه‌ره‌ما خورتكرنا په‌يوه‌نديان سه‌را زانكويا دهوك دا وژلايێ به‌رێزان پ د. مصلح دهوكى سه‌روكێ زانكويێ وهاريكارێ سه‌روكێ سه‌روكێ زانكويێ بو كاروبارێن زانستى  پێشوازی  لێ هاته‌ كرن .

دروينشتنه‌كێدا سه‌روكێ زانكويا دهوك سه‌ره‌راى ب خێرهاتنا شاندێ په‌روه‌ردێ ب گرنگى دا زانين كو په‌روه‌رده‌ وزانكو تمامكه‌رێن ئێكن وپێدڤى يه‌ هه‌ڤكارى وهه‌ماهه‌نگى وپه‌يوه‌ندى دناڤبه‌را ڤان هه‌ردوو كه‌رتێن گرنگ دا ل ئاسته‌كێ زور باش بيت بو خزمه‌تكرنا جڤاكى .

ژلايێ خوڤه‌ به‌رێز رێڤه‌به‌رێ گشتى يێ په‌روه‌ردێ كورتيه‌ك دا سه‌ر سه‌روبه‌رێ په‌روه‌ردێ ل پارێزگه‌ها دهوكێ وئه‌و ئاريشه‌ وكێماسيێن هه‌ى وب ده‌رفه‌ت دا زانين كوپه‌يوه‌ندى وهەماهه‌نگى ل ئاسته‌كێ زور باش بن بو خزمەتكرنا ڤان هه‌ردوو ده‌زگه‌هان .

هه‌ر دڤێ روينشتنێ دا به‌حسێ پێدڤى يێن په‌روه‌ردێ هاته‌ كرن ژلايێ ماموستايێن بسپور وداخواز هاته‌ كرن كو ئه‌و به‌شێن ل كوليژێن په‌روه‌رده‌ وپه‌روه‌ردا بنيات هه‌ين پێدڤى يه‌ ل دويف پێدڤى وكێماسيا ماموستا بهێنه‌ ڤه‌كرن دا كو ل پاشه‌روژه‌كا نێژيك ئه‌و ڤالاهيه‌ بێنه‌ پركرن  دیسان بەحسێ شێوازێ وەرگرتنا قوتابیان ل زانکویێن هەرێمێ و داخواز هاتە کرن باشتر خزمەتا قوتابیێن پارێزگەها دهوکێ بهێتە کرن وووەرگرتنا وان ل کولیژ و پەیمانگەهان دبەرژەوندا پاشەروژا ڤێ پارێزگەهێ دابیت .