ئه‌ڤرۆ ئه‌زموونێن دوماهيا وه‌رزێ دووێ ل سه‌رانسه‌ری هه‌رێما کوردستانێ ده‌سپێكرن

    به‌لاڤكرن: په‌روه‌ردا دهۆك روژهه‌لات
    11 گولان 2019

ئه‌ڤرۆ ئه‌زموونێن دوماهيا وه‌رزێ دووێ ل سه‌رانسه‌ری هه‌رێما کوردستانێ ده‌سپێكرن

ئه‌ڤرو رۆژا شه‌مبى رێكه‌فتى 11/5/2019 ول سه‌رانسه‌رى هه‌رێما كوردستانێ ل قوناغا چوارێ بنه‌ره‌تى بۆ يازدێ ئاماده‌يى ئه‌زموونێن دوماهيا وه‌رزێ دووێ خۆلا ئێكێ سالا خواندنێ 2018/2019 هاتنه‌ كرن ول پارێزگه‌ها دهوكێ نێزيكى ( 400.000 ) هزار قوتابى پشكداريێ دڤان ئه‌زموونان دا كرن .
ژبو دويڤ چونا ره‌وشا ئه‌زموونان رێزدار عمر على تاها رێڤه‌به‌رێ گشتى يێ په‌روه‌ردێ ل پارێزگه‌ها دهوكێ ودگه‌ل دا فادية عبدالقهار محمد رێڤه‌به‌را په‌روه‌ردا قه‌زا دهۆك رۆژهه‌لات و عمر احمد قاسم رێڤه‌به‌رێ په‌روه‌ردا قه‌زا دهۆك رۆژئاڤا و صديق يونس سه‌رپه‌رشتێ ئێكێ يێ يه‌كا سه‌رپه‌رشتيا ئاماده‌يى و پێشه‌يى ل سه‌نته‌رێ باژێرێ دهۆكێ و سه‌رپه‌رشتێن ئێكێ ل په‌روه‌ردێن قه‌زا دهۆك رۆژهه‌لات و رۆژئاڤا سه‌ره‌دانا چه‌ندين هولێن ئه‌زموونان ل قوتابخانێن ( جه‌گه‌ر خوين و سه‌فين يێن كچان و لۆڤار و پيرس يێن كۆران و سيڤه‌ر و سه‌ره‌رم) كر وژنێزيك ئاگه‌هدارى ره‌وشا ئه‌نجامدانا ئه‌زموونان بون . 
دڤان سه‌ره‌دانا دا رێزدار رێڤه‌به‌رێ گشتى يێ په‌روه‌ردێ ده‌ست خوشى ل كارگێرى ومامۆستايێن قوتابخانا كر و داخوازا سه‌ركه‌فتنێ بو قوتابيان خواست . 
هه‌ژى ئاماژه‌ دانێ يه‌ رێڤه‌به‌ريا گشتى يا په‌روه‌ردێ گرنگى يه‌كا مه‌زن دايه‌ پروسا ئه‌زموونان وپێش وه‌خت ولدويف پلانا ستراتيژى به‌رهه‌ڤى وئاماده‌كارى ب رێكا هه‌ر ده‌هـ په‌روه‌ردێن قه‌زا سه‌ر ب رێڤه‌به‌ريا گشتى يا په‌روه‌ردێ ڤه‌ هه‌مى پێدڤيێن ئه‌زموونان دابين كرينه‌ داكو قوتابى دكه‌ش وسه‌قايه‌كێ ئارام دا پروسا ئه‌زموونان ده‌رباز بكه‌ن .