رێڤه‌به‌را په‌روه‌ردا دهۆك رۆژهه‌لات ل گه‌ل رێڤه‌به‌رێن قوتابخانا كومبوو

    به‌لاڤكرن: په‌روه‌ردا دهۆك روژهه‌لات
    05 گولان 2019

رێڤه‌به‌را په‌روه‌ردا دهۆك رۆژهه‌لات ل گه‌ل رێڤه‌به‌رێن قوتابخانا كومبوو


لدوور نزیک بوونا ئه‌زموونێن دۆماهیا وه‌رزێ دویێ یێن سالا خواندنێ  ( 2018 - 2019 ) فادیه عبدالقهار محمد رێڤه‌به‌را په‌روه‌رده‌يا دهۆك رۆژهه‌لات ب ئاماده‌بوونا نصرالدين له‌زگين سه‌رپه‌رشتێ ئێكێ ب وه‌كاله‌ت و محمد حمدی سه‌رپه‌رشتێ کارگێری و نزار عه‌لى به‌رپرسێ ئه‌زموونان ، ل رۆژا ئێکشه‌مبى 5/5/2019 ل هۆلا رێڤه‌به‌ريا په‌روه‌ردێ ، كۆمبوونه‌ك ل گه‌ل رێڤه‌به‌رێن هه‌موو قوتابخانێن بنه‌ره‌ت و ئاماده‌یی ل سنۆرێ په‌روه‌ردێ سازكر.

د كۆمبوونێ دا رێڤه‌به‌را په‌روه‌ردا دهۆك رۆژهه‌لات ده‌ستخۆشى ل هه‌موو رێڤه‌به‌ر و مامۆستايێن سنورێ په‌روه‌ردێ كر بۆ هاريكارى و پشته‌ڤانيا به‌رده‌وام يا په‌روه‌ردێ و پاشان ده‌ستخۆشی ل قوتابخانێن سه‌رکه‌فتیێن ئێکێ د پێشانگه‌ها شێوه‌کاری و کارێن ده‌ستی و یاریێن گۆره‌پان و مه‌یدانێ ل سنورێ په‌روه‌ردێ کر و دووپاتی ل گرنگیا چالاکیێن هونه‌ری و وه‌رزشی کر.

لدۆیڤ دا به‌حسى نویترین پێشهاتين په‌روه‌ردێ و ئه‌زموونێن دۆماهیا وه‌رزێ دوويێ يێ خاندنێ كر و دا دياركرن كۆ ئه‌زموون ئه‌مانه‌ته‌کێ مه‌زنه‌ د ستۆیێ هه‌موو به‌رپرسێن په‌روه‌ردێ دا .

هه‌روسا ناڤبرى رۆناهى ئێخسته‌ سه‌ر چه‌ندين خالێن گرێدايى كارگێريێن قوتابخانا بۆ رێك و پێكيا كارێ رۆژانه‌ يێ قوتابخانێ و ئه‌زموونا ب تايبه‌تى ، وپاشى ده‌لیڤه‌ دا سه‌رپه‌رشتێ ئێكێ لدوور میكانزما رێڤه‌چوونا ئه‌زموونان داكۆ پرسه‌يه‌كا سه‌ركه‌فتى بيت و بێ ئاريشه‌ و كێماسى بدۆماهى بهێن .

هه‌ژی گۆتنێ یه‌ ئه‌زموونێن دۆماهیا وه‌رزى دووێ كو دێ ل 11/5/2019 ده‌ستپێكه‌ن . 

لدۆماهیێ ده‌رگه‌هێ دانوستاندێ بۆ رێڤه‌به‌رێن قوتابخانا هاته‌ ڤه‌کرن و به‌رسڤا هه‌موو پرسا ژلایێ رێڤه‌به‌را په‌روه‌ردێ ڤه‌ ب روونی هاتنه‌ به‌رسڤدان.


كومبوونێ پترى ده‌مژمێره‌كێ ڤه‌كێشا .