پێنچ قوتابخانه‌ ژلايێ رێكخراوا Help يا ئه‌لمانى ڤه‌ هاتنه‌ نويژه‌نكرن

    به‌لاڤكرن: په‌روه‌ردا دهۆك روژهه‌لات
    29 نیسان 2019

پێنچ قوتابخانه‌ ژلايێ رێكخراوا Help يا ئه‌لمانى ڤه‌ هاتنه‌ نويژه‌نكرن


رێكه‌فتى 29/4/2019 رێ وره‌سمێن بدوماهى هاتنا نويژه‌نكرنا 5 قوتابخانا ل سنورێ پارێزگه‌ها دهوكێ  هاتنه‌ گێران .

دڤان رێ وره‌سمان دا و ب ئاماده‌بونا به‌رێزان عمر على تاها رێڤه‌به‌رێ گشتى يێ په‌روه‌ردێ ل پارێزگه‌ها دهوكێ ونوينه‌رێ رێكخراوا Help وهه‌ردوو رێڤه‌به‌رێن په‌روه‌ردێن قه‌زا دهۆك رۆژهه‌لات و رۆژئاڤا وژماره‌كا سه‌رپه‌رشتيار و ماموستا و به‌رپرسێن حکومی و حزبی رێ و ره‌سمێن دۆماهی ئینانا نویژه‌نکرنا قوتابخانا هاتنه‌ گێران ، رێڤه‌به‌رێ گشتی یێ په‌روه‌ردێ په‌سنا كارێ هاتيه‌ ئه‌نجام دان یێ رێکخراوا ناڤهاتی کر و ده‌ستخۆشی ل کارێ وان کر بۆ پشته‌ڤانیا وان یا به‌رده‌وام و رێکخراوا Help كه‌رتێ په‌روه‌ردێ ب ئه‌وله‌وياتا كارێ خو دانه‌ زانين .

دويف دا به‌رێزان گه‌ريانه‌ك دناڤ قوتابخانا دا كر وژنێزيك ئاگه‌هدارى كارێ بدۆماهی هاتنا نويژه‌نكرنێ بون .

هه‌ژى گوتنێ يه‌ ئه‌ڤ پروژێ نويژه‌نكرنێ 5 قوتابخانه‌ ب خوڤه‌ گرتبون لسنورێ هه‌ردوو په‌روه‌ردێن قه‌زا دهوك روژهه‌لات وروژئاڤا و سێمێل كو ژلايێ رێكخراوا Help  يا ئه‌لمانى هاتنه‌ ئه‌نجام دان و به‌ریا نها ژی 3 قوتابخانه‌ هاتبوونه‌ نویژه‌نکرن و لژێر سه‌رپه‌رشتیا رێڤه‌به‌ریا ئاڤاهیان ل رێڤه‌به‌ریا گشتی یا په‌روه‌ردێ و پشکێن ئاڤاهیان ل رێڤه‌به‌ریێن په‌روه‌ردێن قه‌زایان .