رێڤه‌به‌را‌ په‌روه‌ردا رۆژهه‌لات‌ ل گه‌ل رێڤه‌به‌رێن قوتابخانێن ئاماده‌یی كۆمبوو

    به‌لاڤكرن: په‌روه‌ردا دهۆك روژهه‌لات
    04 نیسان 2019

رێڤه‌به‌را‌ په‌روه‌ردا رۆژهه‌لات‌ ل گه‌ل رێڤه‌به‌رێن قوتابخانێن ئاماده‌یی كۆمبوو


فادیه‌ عبدالقهار محمد رێڤه‌به‌را په‌روه‌ردا دهۆك رۆژهه‌لات ئه‌ڤرۆ 4/4/2019 ب به‌رهه‌ڤبوونا نصرالدين له‌زگین سه‌رپه‌رشتیارێ ئێكێ‌ یێ‌ په‌روه‌رده‌یی و به‌رپرسێ ئه‌زموونا ل گه‌ل رێڤه‌به‌رێن قوتابخانێن ئاماده‌یی ل سنوورێ‌ په‌روه‌ردا رۆژهه‌لات كۆمبوو.

رێڤه‌به‌را په‌روه‌ردێ‌ سه‌ره‌رایی ده‌ستخوشیان ل رێڤه‌به‌رێن ئاماده‌یی ، دانوستاندن ل سه‌ر هژماره‌كا ته‌وه‌رێن گرێدای ره‌وشا قوتابخانێن ئاماده‌یی، مینا ئاستێ‌ قوتابیان و ئه‌زموونان و رێژێن ده‌رچوونێ و نوویترین پێشهاتێن په‌روه‌ردێ كر و چه‌ندین خال بۆ پێشڤه‌برنا ئاستێ قوتابخانێن ئاماده‌یی ژ هه‌موو لایه‌كی ڤه‌ دیاركرن، پاشان رێڤه‌به‌را په‌روه‌ردێ دووپاتی ل بلندکرنا ئاستێ خواندنێ یێ قوتابیان و رۆژا بلندکرنا ئالایی و هه‌ستێ نه‌ته‌وه‌یی و پاقژ راگرتنا قوتابخانا و جڤاتێن دایک و بابان کر .لدویڤ دا دووپاتی ل بلندكرنا ئاستێ‌ خواندنێ‌ هاته‌ كرن ب تایبه‌ت ل پۆلا دوازدێ‌ ئاماده‌یی و به‌رهه‌ڤی بۆ ئه‌نجامدانا ئه‌زموونێن پۆلا 12 ئاماده‌یی یێن دووماهیا وه‌رزێ‌ دووێ‌ بهێنه‌ كرن كو ژڤانه‌ ل 10/4/2019 بهێنه‌ ئه‌نجامدان و پشته‌ڤانی و هه‌ڤکاریا خو دیار کر بو هه‌ر هه‌ڤکاریه‌کی.

لدۆماهیێ ده‌رگه‌هێ دانوستاندنێ هاته‌ ڤه‌کرن بو رێڤه‌به‌رێن قوتابخانا.