په‌روه‌ردا رۆژهه‌لات پێشانگه‌هه‌ك بۆ 6333 قوتابیان ڤه‌كر

    به‌لاڤكرن: په‌روه‌ردا دهۆك روژهه‌لات
    03 نیسان 2019

په‌روه‌ردا رۆژهه‌لات پێشانگه‌هه‌ك بۆ 6333 قوتابیان ڤه‌كر

پشكا چالاكیێن قوتابخانان یا په‌روه‌ردا قه زا دهۆك رۆژهه‌لات ئه‌ڤرۆ رۆژا چارشه‌مبی 3/4/2019 لژێر چاڤدێری و به‌رهه‌ڤبوونا رێزدار عومه‌ر عه‌لی تاها رێڤه‌به‌رێ‌ گشتی یێ‌ په‌روه‌ردا پارێزگه‌ها دهۆكێ‌ و فادیه‌ عبدالقهار محمد رێڤه‌به‌را په‌روه‌ردا قه‌زا دهۆك رۆژهه‌لات و عومه‌ر ئه‌حمه‌د قاسم رێڤه‌به‌رێ په‌روه‌ردا قه‌زا دهۆك رۆژئاڤا و نووینه‌رێن رێکخراوێن جه‌ماوه‌ری یا پ.د.ك و ئێکه‌تیا قوتابیێن کوردستانێ و ئێكه‌تیا مامۆستایێن كوردستانێ لقا دهۆك و به‌رپرسێ لێژنا ناوچا دهۆک یا پ.د.ک و هژماره‌كا زۆر یا مێهڤان و سه‌رپه‌رشتیار و مامۆستا و قوتابیان، پێشانگه‌ها شێوه‌كاری و كارێن ده‌ستی بۆ قوتابخانێن بنه‌ره‌ت و ئاماده‌یی ل سنورێ په‌روه‌ردێ ل هۆلا ئاماده‌یا بژاره‌ ڤه‌كر.

د پێشانگه‌هێ دا كارێن هونه‌رى ژ تابلو و كارێن ده‌ستى هاتنه‌ نیشاندان ب پشكداریا 68 قوتابخانێن بنه‌ره‌ت و ئاماده‌یى و پشكداربوونا پتر ژ شه‌ش هزار قوتابیان . رێڤه‌به‌رێ په‌روه‌ردا گشتى ل پارێزگه‌ها دهۆك ده‌ستخۆشی ل ئه‌نجامده‌رێن پێشانگه‌هێ‌ كر.

بێوار ته‌حسین به‌رپرسێ‌ پشكا چالاكیێن قوتابخانان دیار كر كو 6333 قوتابیان ژ 68 قوتابخانان پشكداری د ڤێ‌ پێشانگه‌هێ‌ دا كریه‌ و پترى شه‌ش هزار كارێن هونه‌رى ژ تابلو و كارێن ده‌ستى هاتنه‌ نیشاندان و گۆت:( 15  قوتابخانێن سه‌ركه‌فتی هاتنه‌ خه‌لاتكرن).


لژنا هه‌لسه‌نگاندنێ‌ ژ ڤان مامۆستایان پێكهاتبوو:

1. هدی احمد سه‌بری .  سه‌رپه‌رشتیارا هونه‌ری

2. شڤان ره‌شاد     .  سه‌رپه‌رشتیارێ بسپورێ هونه‌ری

3. که‌مال محمد صالح . سه‌رپه‌رشتیارێ هونه‌ری ل رێڤه‌به‌ریا چالاکیێن قوتابخانا

4. بێوار تحسین به‌رپرسێ‌ پشكا چالاکیێن قوتابخانا 


ئه‌نجامێن پێشانگه‌هێ‌ ب ڤی ره‌نگی بوون:

---------------------------------------

#سه‌ركه‌فتیێن قۆناغا بنه‌ره‌ت (1-6 / 1-9):


1. قوتابخانا خه‌بات سه‌ركه‌فتیا ئێكێ ب 84 نمرا

‌2. قوتابخانا گه‌لڤین سه‌ركه‌فتیا دووێ‌ ب 82 نمرا

3. قوتابخانا ئه‌که‌د یا سریانی سه‌ركه‌فتیا سیێ‌ ب 80 نمرا

4. قوتابخانا پیره‌مه‌گرۆن سه‌ركه‌فتیا چارێ ب 78 نمرا

5. قوتابخانا په‌یمان سه‌ركه‌فتیا پێنچێ‌ ب 77 نمرا


#سه‌ركه‌فتیێن قۆناغێن (7، 8 و 9):


1. قوتابخانا لیزان سه‌ركه‌فتیا ئێكێ‌ ب 88 نمرا

2. قوتابخانا ئالا یا تێکه‌ل سه‌ركه‌فتیا دووێ‌ ب 82 نمرا

3. قوتابخانا سه‌رهات سه‌ركه‌فتیا سیێ‌ ب 81 نمرا

4. قوتابخانا گۆمل سه‌ركه‌فتیا چارێ‌ ب 79 نمرا

5. قوتابخانا گۆلستان سه‌ركه‌فتیا پێنچێ ‌ ب 78 نمرا


#سه‌ركه‌فتیێن قۆناغێن ئاماده‌یی:


1. ئاماده‌یا بژاره‌ یا تێکه‌ل سه‌ركه‌فتیا ئێكێ‌ ب 87 نمرا

2. ئاماده‌یا میدیا یا کچان سه‌ركه‌فتیا دووێ‌ ب 83 نمرا

3. ئاماده‌یا له‌یلا قاسم یا کچان سه‌ركه‌فتیا سیێ‌ ب82 نمرا

4. کۆلیژا دهۆک یا به‌هره‌داران سه‌ركه‌فتیا چارێ ب 81 نمرا

5. ئاماده‌یا شالین یا کچان سه‌ركه‌فتیا پێنچێ ب 78 نمرا

 

خه‌لاتێ هونه‌ری پێشکێشی دواناوه‌ندیا ئاینده‌یی گه‌ش

ل دووماهیا رێوره‌سمان سوپاسى ژ لایێ رێڤه‌به‌ریا په‌روه‌ردا قه‌زا دهۆك رۆژهه‌لات پشكا چالاكیان ل سه‌ر  68 قوتابخانێن پشكدار هاتنه‌ به‌لاڤكرن.