شانده‌كێ ئاست بلندێ باليوزخانا هوله‌ندى ل عيراقێ سه‌را رێڤه‌به‌ريا گشتى يا په‌روه‌ردێ دا

    به‌لاڤكرن: رێڤه‌به‌ریا گشتى یا په‌روه‌ردا پارێزگه‌ها دهوك
    13 ئادار 2019

ئه‌ڤرو سپێدێ رێكه‌فتى 13/3/2019 شانده‌كێ ئاست بلندێ باليوزخانا هوله‌ندى ووه‌زاره‌تا ده‌رڤه‌ ب سه‌روكاتيا سكرتێرێ گشتى يێ باليوزخانێ و دگه‌ل دا ژماره‌كا رێكخراوێن سه‌ر ب نه‌وه‌يێن ئێكگرتى ڤه‌ و شاندێ نوينه‌راتيا وه‌زاره‌تا په‌روه‌ردا عيراقێ ل پارێزگه‌ها دهوكێ سه‌را رێڤه‌به‌ريا گشتى يا په‌روه‌ردێ دا وهاتنه‌ پێشوازيكرن ژلايێ به‌رێز عمر على تاها رێڤه‌به‌رێ گشتى يێ په‌روه‌ردێ .

دكومبونه‌كێ به‌رێز رێڤه‌به‌رێ گشتى يێ په‌روه‌ردێ سه‌ره‌راى ب خێرهاتنا شاندێ باليوزخانا هوله‌ندى ووه‌زارتا ده‌رڤه‌ ورێكخراوێن سه‌ر ب نه‌توه‌يێن ئێكگرتى ڤه‌ كورتيه‌ك دا سه‌ر ره‌وشا پروسا په‌روه‌ردێ ل پارێزگه‌ها دهوكێ وئه‌و ئاريشه‌ وكيماسى ورويب ب رويبونا وان به‌رهنگارييێن سالێن بورى ژئه‌نجامێ شه‌رێ داعش وئه‌و پێلا مه‌زنا ئاواره‌يان ئه‌وێن ژئه‌نجامێ شه‌رى ئاكنجى بون ل سنورێ پارێزگه‌ها دهوكێ وكارتێكرنا وان لسه‌ر پروسا په‌روه‌ردێ ، هه‌ر دكومبونێ دا به‌رێز رێڤه‌به‌رێ گشتى يێ په‌روه‌ردێ سوپاسيا شاندێ مێڤان وب رێكا وان سوپاسيا گرنگى دانا حكومه‌ت وخه‌لكێ هوله‌ندا كروئه‌و پشته‌ڤانيا تا نوكه‌ بو هه‌رێما كوردستانێ كرى وداخواز كر ئه‌ڤ پشته‌ڤانى وپالپشتى يه‌ ل پاشه‌روژێ ژى يا به‌رده‌وام بيت هه‌روه‌سا سوپاسيا هه‌مى رێكخراوێن بيانى كر ئه‌وێن ده‌ستێ هاريكاريێ بو كه‌رتێ په‌روه‌ردێ درێژكرى وهيڤى خواست ئه‌ڤ هاريبكاريه‌ دبه‌رده‌وام بن .

ژلايێ خوڤه‌ سكرتێرێ گشتى يێ باليوزخانا هوله‌ندى دا دياركرن كو ئه‌و دێ به‌رده‌وام هاريكارى وپشته‌ڤانيا كه‌رتێ په‌روه‌ردێ كه‌ن وب رێكا په‌روه‌ردێ هاريكارى وپشته‌ڤانيا قوتابيێن ئاواره‌ بهێته‌ كرن . 

هه‌ر دكومبونێ دا نوينه‌راتيا وه‌زاره‌تا په‌روه‌ردا حكومه‌تا عيراقێ ل دهوكێ ورێكخراوێن ئاماده‌بوى به‌حسىێ ئاريشه‌ وئه‌وبه‌رهنگاريێن دكه‌ڤنه‌ به‌رده‌م قوتابيێن ئاواره‌ بو شاندێ مێڤان دانه‌ دياركرن .