قوتابخانا هندرین ب كه‌رنه‌ڤاله‌كێ فلكورى يێ قه‌شه‌نگ رۆژا جل وبه‌رگێن نیشتیمانی ساخکر

    به‌لاڤكرن: په‌روه‌ردا دهۆك روژهه‌لات
    10 ئادار 2019

قوتابخانا هندرین ب كه‌رنه‌ڤاله‌كێ فلكورى يێ قه‌شه‌نگ رۆژا جل وبه‌رگێن نیشتیمانی ساخکر 

ئه‌ڤرو روژا ئێك شه‌مبى رێكه‌فتى 10/ئادارا /2019 قوتابخانا هندرین يا بنه‌ره‌تى و ب هه‌لكه‌فتا روژا جل وبه‌رگێن نیشتیمانی ڤيسته‌ڤالا ئێکێ ب ڤێ هه‌لكه‌فتێ ب كه‌رنه‌ڤاله‌كا جوان وقه‌شه‌نگا فلكلورێ كوردى سازكر .

درێ وره‌سمێن ڤيسته‌ڤالا ناڤبرى دا كو رێڤه‌به‌ريا په‌روه‌ردا قه‌زا دهوك روژهه‌لات پشكا چالاكيێن قوتابخانان ئه‌ڤ ڤيسته‌ڤاله‌ ريكخست بوو و ب ئاماده‌بونا به‌رێزان عمر على تاها رێڤه‌به‌رێ گشتى يێ په‌روه‌ردێ ل پارێزگه‌ها دهوكێ و فادیه‌ عبدالقهار محمد ريڤه‌به‌را په‌روه‌ردا قه‌زا دهوك روژهه‌لات و سه‌روكێ لقێ دهوك يێ ئيكه‌تيا ماموستايێن كوردستانێ و ژماره‌كا به‌رچاڤ ژ مامۆستا سه‌رپه‌رشتيار و به‌رپرسێن حزبی و حکومی و مێڤانا ، رێزدار رێڤه‌به‌رێ گشتى و ئاماده‌بوویان ڤیسته‌ڤالا ئێکێ یا قوتابخانا هندرین ڤه‌کر و گه‌ریانه‌ک دناڤا ڤیسته‌ڤالێ دا کرن و ڤیسته‌ڤال پێکهاتبوو ژ پێشانگه‌ها سه‌رکردێن کورد و کۆچکا فلکلوری و جل و به‌رگێن نیشتیمانی و که‌له‌پورێ کوری و پێشانگه‌هه‌کا زانستی و هونه‌ری و کارێن ده‌ستی .

د په‌یڤه‌کێ دا رێڤه‌به‌را قوتابخانا هندرین ب خێرهاتنا ميڤانان كر ودا دياركرن كو هه‌يڤا ئادارێ هه‌يڤا بيروه‌ريێن نه‌ته‌وه‌يى  ونيشتيمانى يه‌  وئه‌م ل قوتابخانێ گرنگيه‌كا مه‌زن دده‌ينه‌ ڤان بيروه‌ريان و ئه‌ڤ ڤيسته‌ڤالا ئه‌ڤرو ژى گروڤێ ڤێ چه‌ندێ يه‌ .

رێڤه‌به‌رێ گشتى يێ په‌روه‌ردێ ده‌ست خوشی ل كارگيرى وماموستا وقوتابێن قوتابخانا هندرین كر وداخوازا سه‌ركه‌فتنێ بو خواست .

هه‌ر ب ڤێ هه‌لكه‌فتێ قوتابخانا پێشه‌نگ يا كچان ڤيسته‌ڤاله‌كا نيشاندانا جل وبه‌رگێن كوردى نمايش كرن .هه‌ر دڤێ چالاكيێ دا ده‌زگه‌هێ پاراستنا ئالايێ كوردستانێ ديارييه‌ك وخه‌لاته‌ك پێشكێشى به‌رێز رێڤه‌به‌رێ گشتى ورێڤه‌به‌را په‌روه‌ردا روژهه‌لات  كر..

هه‌ژی گۆتنێ یه‌ نێزيكى نيڤ مليون قوتابيان د 1648 قوتابخانا دا ل سنورێ پارێزگه‌ها دهوكێ روژا جل وبه‌رگێن نيشتيمانى ساخكرن .