شانده‌كێ راوێژكاريا رێكخراوا GIZ يا ئه‌لمانى سه‌را رێڤه‌به‌ريا گشتى يا په‌روه‌ردێ دا

    به‌لاڤكرن: رێڤه‌به‌ریا گشتى یا په‌روه‌ردا پارێزگه‌ها دهوك
    10 ئادار 2019

ئه‌ڤرو سپێدێ رێكه‌فتى 10/ئادارا /2019 به‌رێز عمر على تاها رێڤه‌به‌رێ گشتى يێ په‌روه‌ردێ ل پارێزگه‌ها دهوكێ پێشوازيا شانده‌كێ راوێژكاريا رێكخراوا GIZ يا ئه‌لمانى كر .

دهه‌ڤديتنه‌كێدا شاندێ راوێژكاريا رێكخراوا ناڤبرى به‌حسێ مه‌ره‌ما سه‌ره‌دانا خو بو هه‌رێما كوردستانێ بو هه‌لسه‌نگاندنا ئه‌و كارێ به‌رى نها هاتيه‌ ئه‌نجام دان ژلايێ رێكخراوا GIZ ڤه‌ و دان وستاندن دگه‌ل لايه‌نيێن په‌يوه‌نديدار و بتايبه‌ت په‌روه‌ردێ بو دانانا پلانه‌ك ونه‌خشه‌ ڕييه‌كێ بو پروژه‌ وچالاكيێن رێكخراوێ دپاشه‌روژێ دا .

ژلايێ خوڤه‌ به‌رێز عمر على تاها رێڤه‌به‌رێ گشتى يێ په‌روه‌ردێ سه‌ره‌ارى ب خێرهاتنا شاندێ ناڤيرى بده‌رفه‌ت دا زانين سوپاسيا حكومه‌ت وگه‌لێ ئه‌لمانيا بكه‌ت بو وان هاريكارييێن پێشكێشى كوردستانێ كرن وب تايبه‌ت كه‌رتێ په‌روه‌ردێ وكورتيه‌ك دا سه‌ر سه‌روبه‌رێ په‌روه‌ردێ ل كوردستانێ ب گشتى ول پارێزكه‌ها دهوكێ ب تايبه‌تى .

هه‌ر دڤێ هه‌ڤديتنێ دا به‌رێز رێڤه‌به‌رێ گشتى به‌حسێ پێدڤيێن په‌روه‌ردێ كر وب تايبه‌ت گرنگى دان ب نويژه‌نكرنا قوتابخانا ومه‌شق كرنا سه‌رپه‌رشتيار وماموستايان وكارگێرين قوتابخانا ، هه‌ر وه‌سا په‌يمانگه‌هـ وخواندنا پيشه‌يى وئه‌و پێدڤى وكێماسيێن هه‌ين ل پاشه‌روژێ دپلانا رێكخراوێ دابن وگرنگى ب ڤان ته‌وه‌ران بهێته‌ دان .

ژلايێ خوڤه‌ شاندێ راوێژكاريا رێكخراوا GIZ يا ئه‌لمانى به‌رهه‌ڤيا خو بو هه‌ڤكارى وهه‌ماهه‌نگييه‌كا باشتر بو ئه‌نجامدانا كاروپروژێن باش بو په‌روه‌ردێ .