ئاماده‌یا ئه‌یلول یا کچان ب كه‌رنه‌ڤاله‌كێ فلكورى يێ قه‌شه‌نگ 8ی مارس ساخکر

    به‌لاڤكرن: په‌روه‌ردا دهۆك روژهه‌لات
    09 ئادار 2019

ئاماده‌یا ئه‌یلول یا کچان ب كه‌رنه‌ڤاله‌كێ فلكورى يێ قه‌شه‌نگ 8ی مارس ساخکر


ئه‌ڤرو سپێدێ ريكه‌فتى 9/3/2019 ئاماده‌یا ئه‌یلول یا کچان و ب هه‌لكه‌فتا بیره‌وه‌ریێن ئادار و نه‌ورۆزێ و رۆژا جیهانیا ئافره‌تا 8ی مارس كه‌رنه‌ڤاله‌كا جوان وقه‌شه‌نگ یێ فلكلورێ كوردى سازكر .

ل ژێر چاڤدێری و ب ئاماده‌بونا به‌رێزان فادیه‌ عبدالقهار محمد رێڤه‌به‌را په‌روه‌ردا دهۆک رۆژهه‌لات و نصرالدين له‌زگین سه‌رپه‌رشتیارێ ئێکێ ل په‌روه‌ردا رۆژهه‌لات و بێوار ته‌حسین به‌رپرسێ چالاکیێن قوتابخانا و هژماره‌کا مامۆستا و به‌رپرسێن حزبی و حکومی ب هه‌ڤکاری دگه‌ل پشکا چالاکیێن قوتابخانا ئه‌ڤ هه‌لکه‌فته‌ هاته‌ ساخکرن   .

لده‌ستپێکێ رێڤه‌به‌را ئاماده‌یا ئه‌یلول یا کچان دپه‌يڤه‌كێدا ب خێرهاتنا ميڤانان كر ودا دياركرن كو هه‌يڤا ئادارێ هه‌يڤا بيروه‌ريێن نه‌ته‌وه‌يى  ونيشتيمانى يه‌ وئه‌م ل قوتابخانێ گرنگيه‌كا مه‌زن دده‌ينه‌ ڤان بيروه‌ريان و ئه‌ڤ چالاکیا ئه‌ڤرو ژى گروڤێ ڤێ چه‌ندێ يه‌ .

پاشى به‌رنامه‌ وبرگێن هه‌مه‌ره‌نگ ده‌ستپێكرن ، لدويڤ دا نمايشه‌كا هونه‌ری و سترانێن فلكلورى و چه‌ند چالاكيێن دى بدوماهى هات .

لدۆماهیێ رێڤه‌به‌را په‌روه‌ردێ ده‌ست خوشی ل كارگيرى وماموستا وقوتابێن ئاماده‌یا ناڤبری كر وداخوازا سه‌ركه‌فتنێ بو خواست .