په‌روه‌رده‌ وزانكو وچاڤدێرى وگه‌شه‌پێدانا جڤاكى مژويلى كاره‌كێ هه‌ڤپشكن بو قوتابيێن خودان پێدڤيێن تايبه‌ت

    به‌لاڤكرن: رێڤه‌به‌ریا گشتى یا په‌روه‌ردا پارێزگه‌ها دهوك
    06 ئادار 2019

ئه‌ڤرو به‌رى نيڤرو رێكه‌فتى 6/3/2019 شانده‌كێ هه‌ڤپشكێ رێڤه‌به‌ريا گشتى يا په‌روه‌ردێ ورێڤه‌به‌ريا گشتى يا چاڤدێرى وگه‌شه‌پێدانا جڤاكى سه‌را كوليژا په‌روه‌ردا بنيات ل زانكويا دهوك دا وهاتنه‌ پێشوازيكرن ژلايێ پ.د اسماعيل احمد سمو راگرێ كوليژێ وژماره‌كا ماموستايێن كوليژا ناڤبرى .

دروينشتنه‌كێدا وب ئاماده‌بونا به‌رێزان عمر على تاها رێڤه‌به‌رێ گشتى يێ په‌روه‌ردێ ود. شێرزاد هرورى ريڤه‌به‌رێ گشتى يێ چاڤدێرى وگه‌شه‌پێدانا جڤاكى به‌حسێ پروسا په‌روه‌رده‌ وفێركرنێ و پرسا قوتابيێن خودان پێدڤيێن تايبه‌ت هاته‌ كرن وئاشكراكرن كو ئه‌ پرسه‌ پرسه‌كا گرنگه‌ وپێدڤى ب هه‌ماهه‌نگى وپشته‌ڤانيا زانكويێ وب تايبه‌ت كوليژا په‌روه‌ردا بنيات هه‌يه‌ دا كو ل پاشه‌روژه‌كا نێزيك كاره‌كێ هه‌ڤپشك دناڤبه‌را ڤى سێ گوشه‌ى دا بهێته‌ ئه‌نجام دان بو قوتابيێن خودان پێدڤيێن تايبه‌ت .

هه‌ر دڤێ روينشتنێ به‌رێز پ.د اسماعيل احمد سمو راگرێ كوليژا په‌روه‌ردا بنيات هه‌مى ئاسانكارى وهه‌ڤكاريا كوليژێ بو هه‌ر كاره‌كێ دا خوياكرن وبه‌رهه‌ڤيا پشكێن په‌روه‌ردا تايبه‌ت وپشكا ده‌روناسى ب ماموستا ڤه‌ بو ئه‌نجامدانا هه‌ر ڤه‌كولين وديراسه‌ته‌كێ لدور خودان پێدڤيێن تايبه‌ت دا دياركرن . 

هه‌ر دڤێ روينشتنێ دا ئاماده‌بويان چه‌ند بيرورا وپێشنيار بو سه‌رئێخستنا ڤى كارێ ئالوگوركرن وبريار هاته‌ دان لسه‌ر ئاستێ هه‌ر سێ ده‌زگه‌هان بهێنه‌ پێك ئينان بو دويڤ چونا ڤى كارى .