رێڤه‌به‌رێ گشتى (هه‌مى بزاڤ وشيان دێ هێنه‌ مه‌زاختن بو بلندكرنا ئاستێ زانستى يێ قوتابيان)

    به‌لاڤكرن: رێڤه‌به‌ریا گشتى یا په‌روه‌ردا پارێزگه‌ها دهوك
    28 شوبات 2019

ئه‌ڤرو سپێدێ رێكه‌فتى 28/2/2019 ودچارچوڤێ وان پلانێن هايتنه‌ دارێژتن بو دويڤ چون وهه‌لسه‌نگاندنا پروسا په‌روه‌رده‌ وفێركرنێ ل پارێزگه‌ها دهوكێ ، رێزدار عمر على تاها رێڤه‌به‌رێ گشتى يێ په‌روه‌ردێ ل پارێزگه‌ها دهوكێ ودگه‌ل دا صديق يونس عبو سه‌رپه‌رشتێ ئێكێ يێ يه‌كا سه‌رپه‌رشتيا ئاماده‌يى وپيشه‌يى ل سنه‌ته‌رێ باژێرێ دهوكێ سه‌ره‌دانا چه‌ندين قوتابخانێن ئاماده‌ى لسنورێ هه‌ردوو په‌روه‌ردێن قه‌زا دهوك ( روژهه‌لات وروژئاڤا ) دا .

ل ده‌ستپێكا سه‌ره‌دانێ رێزدار رێڤه‌به‌رێ گشتى يێ په‌روه‌ردێ سه‌ره‌دانا كوليژا به‌هره‌داران وئاماده‌يا بژاره‌ كر وبه‌رێز عمر على تاها دپه‌يڤه‌كێدا بو قوتابيێن پولا دوازدێ دا دياركرن كو هه‌مى بزاڤ وشيان دێ هێنه‌ مه‌زاختن بو بلندكرنا ئاستێ زانستيێ قوتابيان و رێژێن ده‌رچوونێ سال بو سالێ بلشتر لێ بهێن ، هه‌روه‌سا رێڤه‌به‌رێ گشتى يێ په‌روه‌ردێ دئاخفتنا خودا رژدى لسه‌ر هندێ كر كو قوتابى هه‌مى ده‌مێ خو ته‌رخان بكه‌ت بو خواندنێ وئه‌ف ده‌ليڤا زێرين ژده‌ستێ خو نه‌كه‌ت و هه‌مى شيانێن خو ب مه‌زيخێت سه‌خمه‌راتى بده‌ستڤه‌ ئينانا پلێن باش و ل پاشه‌روژێ ببيته‌ ئه‌ندامه‌كێ كارا يێ جڤاكى . 

هه‌ر ددريژاهيا سه‌ره‌دانا خودا رێزدار رێڤه‌به‌رێ گشتى يێ په‌روه‌ردێ وشاندێ دگه‌ىل دا سه‌ره‌دانا ئاماده‌يا (كاوه‌ ) دا و په‌يڤيێن خودا به‌رێز رێڤه‌به‌رێ گشتى يێ په‌روه‌ردێ بو قوتابێن پولا دوازدێ دا خويا كرن كو په‌روه‌ردا گشتى ب هه‌ڤكارى وهه‌ماهه‌نگى دگه‌ل رێڤه‌به‌رێێن په‌روه‌ردێن قه‌زا وسه‌رپه‌رشتيار وماموستا ڤه‌ دبزاڤيێن به‌رده‌وام دانه‌ بوڤه‌كولين وديراسه‌تكرنا پروسا فێركرنێ ژهه‌مى لايه‌كى ڤه‌ بو راوه‌ستيان لسه‌ر خالێن نه‌رينى وب هێزكرنا خالێن ئه‌رينى كو ده‌رئه‌نجام بلندكرنا ئاستێ زانستى ورێژێن ده‌رچوونێ به‌ره‌ڤ ئاسته‌كێ باش بچن وداخواز ژ قوتابيان كر كو هه‌مى شيانيێن خو بمه‌زيخينن ومفايى ژده‌مێ خو بيبنن ورژد بن لسه‌ر خواندنا خو بو بده‌ستڤه‌ ئينانا نمرێن باش وپاشه‌روژا خو گه‌ش بكه‌ن .