رێڤه‌به‌رێ گشتى: دڤيت ئه‌م به‌ره‌ف قوناغه‌كا دى يا سه‌رپه‌رشتيا په‌روه‌رده‌يى پێنگاڤان بهاڤيژين وپروسا په‌روه‌ردێ ژهه‌مى لايه‌كى ڤه‌ پێشبيخين

    به‌لاڤكرن: رێڤه‌به‌ریا گشتى یا په‌روه‌ردا پارێزگه‌ها دهوك
    11 شوبات 2019

ئه‌ڤرو سپێدێ رێكه‌فتى 11/2/2019 ب سه‌رپه‌رشتيا رێزدار عمر على تاها رێڤه‌به‌رێ گشتى يێ په‌روه‌ردێ ل پارێزگه‌ها دهوكێ كومبونه‌كا به‌رفره‌هـ دگه‌ل سه‌رجه‌م سه‌رپه‌رشتيارێن په‌روه‌رده‌يى ل سنورێ هه‌ر ده‌هـ په‌روه‌ردێن سه‌ر ب رێڤه‌به‌ريا گشتى يا په‌روه‌ردێ ل پارێزگه‌ها دهوكێ هاته‌ كرن . 

دكومبونێ دا و ب ئاماده‌بونا رێڤه‌به‌رێ رێڤه‌به‌ريا سه‌رپه‌رشتيا په‌روه‌رده‌يى وهه‌مى رێڤه‌به‌رێن په‌روه‌ردين قه‌زاوسه‌رپه‌رشتێن ئێكێ ل په‌روه‌ردێن قه‌زا ، رێزدار رێڤه‌به‌رێ گشتى يێ په‌روه‌ردێ كورتيه دا سه‌ر پروسا په‌روه‌ردێ ل كوردستانێ ب گشتى ول پارێزگه‌ها دهوكێ ب تايبه‌تى ودا دياركرن كو سه‌رپه‌رشتيا په‌روه‌رده‌يى ژگرنگترين كارێ هه‌لسه‌نگاندنا پروسا فێركرنێ يه‌ وداخواز كر كو سه‌رپه‌رشتيار ب دلسوزى وئه‌مانه‌ت وب گيانه‌كێ برايانه‌ ولسه‌ر بنه‌مايێن زانستى وپه‌روه‌رده‌يى سه‌ره‌ده‌ريێ دگه‌ل پروسێ ژهه‌مى لايه‌كێ ڤه‌ بهێته‌ كرن .

هه‌ر ددرێژاهيا په‌يڤا خودا به‌رێز رێڤه‌به‌رێ گشتى يێ په‌روه‌ردێ دا ديار دياركرن " دڤيت ئه‌م به‌ره‌ف قوناغه‌كا دى يا سه‌رپه‌رشتيا په‌روه‌رده‌يى پێنگاڤان بهاڤيژين وپروسا په‌روه‌ردێ ژهه‌مى لايه‌كى ڤه‌ پێشبيخين " .

هه‌ر دكومبونێ دا به‌رێز رێڤه‌به‌رێ گشتى يێ په‌روه‌ردێ دپه‌يڤا خودا رولێ گرنگێ سه‌رپه‌رشتيارى بو ب هێزكرنا خالێن ئه‌رينى و نه‌هێلانا ديارده‌ وكيم وكاسيان وبنبركرنا خالێن لاوزار ونه‌رينى دناڤ پروسا په‌روه‌ردێ وفێركرنێ دا دياركرن و سه‌رپه‌رشتيار ب هوكارێ گهورينا ئه‌رينى وتمامكه‌رێ كارێ ماموستايێ ل قه‌له‌م دا .

ل دوماهيا كومبونێ چه‌ندين راووبوچون ژلايێ ئاماده‌بويان ڤه‌ هاتنه‌ دياركرن ودان وستاندن لسه‌ر ژه‌ند بابه‌تان هاته‌ كرن .