شانده‌كێ ئاست بلندێ په‌روه‌ردێ ب مه‌ره‌ما خورتكرنا په‌يوه‌نديان سه‌را زانكويا دهوك دا

    به‌لاڤكرن: رێڤه‌به‌ریا گشتى یا په‌روه‌ردا پارێزگه‌ها دهوك
    06 شوبات 2019

ئه‌ڤرو سپێدێ رێكه‌فتى 6/2/2019 شانده‌كێ ئاست بلندێ په‌روه‌ردێ ب سه‌روكاتيا به‌رێز عمر على تاها رێڤه‌به‌رێ گشتى يێ په‌روه‌ردێ ل پارێزگه‌ها دهوكێ وب مه‌ره‌ما خورتكرنا په‌يوه‌نديان سه‌را زانكويا دهوك دا وژلايێ به‌رێزان پ د. مصلح دهوكى سه‌روكێ زانكويێ وهاريكارێ سه‌روكێ سه‌روكێ زانكويێ بو كاروبارێن زانستى وژماره‌كا راگرێن كوليژا پێشوازى لێ هاته‌ كرن .

دروينشتنه‌كێدا سه‌روكێ زانكويا دهوك سه‌ره‌راى ب خێرهاتنا شاندێ په‌روه‌ردێ ب گرنگى دا زانين كو په‌روه‌رده‌ وزانكو تمامكه‌رێن ئێكن وپێدڤى يه‌ هه‌ڤكارى وهه‌ماهه‌نگى وپه‌يوه‌ندى دناڤبه‌را ڤان هه‌ردوو كه‌رتێن گرنگ دا ل ئاسته‌كێ زور باش بيت بو خزمه‌تكرنا جڤاكى .

ژلايێ خوڤه‌ به‌رێز رێڤه‌به‌رێ گشتى يێ په‌روه‌ردێ كورتيه‌ك دا سه‌ر سه‌روبه‌رێ په‌روه‌ردێ ل پارێزگه‌ها دهوكێ وئه‌و ئاريشه‌ وكێماسيێن هه‌ى وب ده‌رفه‌ت دا زانين كوپه‌يوه‌ندى وهماهه‌نگى ل ئاسته‌كێ زور باش بن بو خزمته‌كرنا ڤان هه‌ردوو ده‌زگه‌هێن وه‌به‌رهه‌م ئينانا تاكه‌سێن جڤاكى كو ده‌رئه‌نجام كه‌سه‌كێ خودان شيان وئه‌كاديمى بهێته‌ ئاماده‌كرن بو خزمه‌تكرنا گه‌ل ووه‌لاتى .

هه‌ر دڤێ روينشتنێ دا رێڤه‌به‌رێن په‌روه‌ردێن قه‌زا ورێڤه‌به‌ريا سه‌رپه‌رشتيا په‌روه‌رده‌يه‌ وژماره‌كا رێڤه‌به‌رێن رێڤه‌به‌ريێن سه‌ر ب كوچكا رێڤه‌به‌ريا گشتى ڤه‌ چه‌ندين راوبوچون سه‌باره‌ت چه‌وانيا پێشئێخستنا كادرێ په‌روه‌رده‌يى ژلايێ گه‌شه‌پێدانا مروڤى و پێشئيخستنا شياننێن پيشه‌يى يێن ماموستا ب رێكا ڤه‌كرنا خولان . 

هه‌ر دڤێ روينشتنێ دا به‌حسێ پێدڤى يێن په‌روه‌ردێ هاته‌ كرن ژلايێ ماموستايێن بسپور وداخواز هاته‌ كرن كو ئه‌و به‌شێن ل كوليژێن په‌روه‌رده‌ وپه‌روه‌ردا بنيات هه‌ين پێدڤى يه‌ ل دويف پێدڤى وكێماسيا ماموستا بهێنه‌ ڤه‌كرن دا كو ل پاشه‌روژه‌كا نێژيك ئه‌و ڤالاهيه‌ بێنه‌ پركرن . 

ددرێژاهيا ڤێ روينشتنێ دا رێڤه‌به‌رێ گشتى يێ په‌روه‌ردێ پێشنياركر كو چه‌ندين ڤه‌كولين وديراسات لسه‌ر پروسا په‌روه‌ردێ ل پارێزگه‌ها دهوكێ ژلايێ ناڤه‌ندا ڤه‌كولين وديراساتان ل زانكويێ بهێنه‌ ئه‌نجام دان وژلايێ خو سه‌روكێ زانكويێ به‌رهه‌ڤيا زانكويێ دا دياركرن .

لدوماهيێ بريار هاته‌ دان ليژنه‌يه‌كا هه‌ماهه‌نگيێ لسه‌ر ئاستێ هه‌ردوو لايه‌نان بهێته‌ پێكئينان بو دويڤ چونا ئه‌و خالێن هاتيه‌ به‌حسكرن .